Kaitorni Mari tei Yabrwini Mari

Kaitorni Marino Yachaknai Bororok tei Yabrwini Marino Yachaknai Bororokni Páithakni Manthai-o Tamo Phérlaimung tong?

Tumungno chwng yabrwini borok wng khe, chwng yabrwini marino mannai, abo morkeni yagul súman-o tlango. Chwng buchiui man khe Kaitorni mwthangjakmungni marino yachagwi mannai tei Jisuni mung kwtal, Khristo Ahnsahnghongno tei Chuknohani Ama Jerusalem Kwtalno krak khe poito khlaiui mannai.

Chonghor Johon tei Esekiel Diyari Kόk diyari Sasogwi Klangmani Kaitorni Sil Bumani a Samung le Tamo?

Yόkma terno khobwi Bini dagimungrokni bising tẃi Bini bwsarokni talikha-o Bini sil bu mani Kaitorni samung kotor, sal kasamani jaga, hani páithak Republic Korea ni se chengjaknai hwnwi Baibelo kόk diyari khlai sogwi rw kha.

Aphuru ang twijlangni yabrwi masano kasaui phaima nuk kha. . . A dragon a yabrwini yago bini suar rwma bai bebak bororok . . . dragonno khulum bai kha. . . A yabrwi kusu kotor, kwrwi gwnang, seleng seleng ya, jotono’-no yagra yago eba khe talikha-o mari bu-ui rw kha. A mari kwrwi khe kebo phano paiwibo man ya, phalwibo man ya; a mari wng kha yabrwini bumung eba khe bumungni bagwi lombor.
Phunukjakmani 13:1-17

Hakhe ang tei khoroksa suarino Kaitor kwthangni sil tubu-ui salkabaini kasaui phaima nuk kha. Kaitor haktor bai twijlangno dera rwna hwnwi phan rwmani a suari khorokbrwino bo sotonwi hai hwnwi ring kha, “Chwng Kaitorni selengrokno talikha-o sil buya sak haktorno, twijlangno eba buphangrokno ta dera rw khu di.”
Phunukjakmani 7:2-3