ဘုရားသခင်၏ တံဆိပ်နှင့် သားရဲ၏ တံဆိပ်

ဘုရားသခင်ရဲ့တံဆိပ်ကိုခံရတဲ့သူနဲ့ သားရဲရဲ့တံဆိပ်ကိုခံရတဲ့သူရဲ့ ရလဒ်က ဘယ်လိုကွာခြားမှာပါလဲ။

လူ့ပညတ်အားဖြင့် သားရဲထဲမှာ တည်နေမယ်ဆိုရင်၊ ငရဲဒဏ်ခံရမယ့် သားရဲရဲ့ တံဆိပ်ကို ခံရမှာဖြစ်ပါတယ်။ သမ္မာကျမ်းစာရဲ့ သင်ကြားမှုအတိုင်း၊ ယေရှုခရစ်ရဲ့ နာမသစ်ဖြစ်တဲ့ အန်ဆန်ဟုန်းဘုရားသခင်နဲ့ အသစ်သော ယေရုရှလင် အမေကို သိမြင်နားလည်ပြီး ယုံကြည်ခြင်းကို အဆုံးထိ စောင့်ရှောက်မယ်ဆိုရင် ဘုရားသခင်ပေးတဲ့ ကယ်တင်ခြင်းတံဆိပ်ကို ခံရမှာဖြစ်ပါတယ်။

တမန်တော်ယောဟန်နဲ့ ပရောဖက် ယေဇကျေလ ကြိုတင်ဟောထားတဲ့ ဘုရားသခင်ရဲ့ တံဆိပ်ခတ်ခြင်းအမှုက ဘာဖြစ်ပါသလဲ။

ဘုရားသခင်ဟာ ဘုရားသခင်ကို ကြောက်ရွံ့ကိုးကွယ်တဲ့ သားသမီးတွေအားလုံးကို နောက်ဆုံးဘေးဒဏ်ကနေ ကယ်တင်ဖို့အတွက်၊ ပသခါပွဲ စတဲ့ ဘုရားသခင်ရဲ့ ပညတ်တော်တွေကို ယူဆောင်ပြီး အရှေ့မျက်နှာ ကိုရီးယားနိုင်ငံကနေ သားသမီးတွေရဲ့ နဖူးပေါ်မှာ တံဆိပ်ခတ်ခြင်းအမှုကို စတင်မယ်လို့ ကျမ်းစာက ကြိုတင်ဟောထားပါတယ်။

ပင်လယ်နား၌ သဲပေါ်မှာ ငါရပ်၍၊ သားရဲ တစ်ကောင်သည် ... လက်ယာလက်၌ဖြစ်စေ၊ နဖူး၌ဖြစ်စေ၊ တံဆိပ်လက်မှတ်ကို ခံစေခြင်းငှာလည်းကောင်း၊ ထိုတံဆိပ်လက်မှတ်တည်းဟူသော သားရဲ၏ နာမဖြစ်စေ၊ နာမ၏ အရေအတွက်ဖြစ်စေ၊ တစ်ခုခုကို မခံသောသူတစ်ယောက်မျှ မရောင်းမဝယ်စေခြင်းငှာလည်းကောင်း စီရင်၏။
ဗျာဒိတ်ကျမ်း ၁၃:၁-၁၇

အသက်ရှင်တော်မူသော ဘုရားသခင်၏ တံဆိပ်ပါသော ကောင်းကင်တမန်တစ်ပါးသည် အရှေ့မျက်နှာက တက်လာသည်ကို ငါမြင်၏။ သူသည်လည်း မြေနှင့်ပင်လယ်ကို ညှဉ်းဆဲရသောအခွင့်ရှိသော ကောင်းကင်တမန်လေးပါးကို အသံလွှင့်၍၊ ငါတို့ဘုရားသခင်၏ ကျွန်တို့ကို နဖူး၌ တံဆိပ်မခတ်မီတိုင်အောင်၊ မြေ၊ ပင်လယ်၊ သစ်ပင်တို့ကို မညှဉ်းဆဲပါနှင့်ဟု ကြီးသောအသံနှင့် ကြွေးကြော်လေ၏။
ဗျာဒိတ်ကျမ်း ၇:၂-၃