ເຄື່ອງໝາຍຂອງພະເຈົ້າ ແລະ ເຄື່ອງໝາຍຂອງສັດຮ້າຍ

[ຜົນ​ໄດ້​ຮັບ​​ລະ​ຫວ່າງຜູ້​ທີ່​ໄດ້​ຮັບເຄື່ອງ​ໝາຍ​ຂອງ​ພະ​ເຈົ້າ ແລະ ​ຜູ້​ທີ່​ໄດ້​ຮັບເຄື່ອງ​ໝາຍ​ຂອງ​ສັດ​ຮ້າຍນັ້ນ
ແຕກ​ຕ່າງ​ກັນ​ແນວ​ໃດ?]

ຖ້າ​ພວກ​ເຮົາ​ເປັນ​ຂອງ​ສັດ​ຮ້າຍ, ພວກ​ເຮົາ​ກໍ​ຈະ​ໄດ້​ຮັບ​ເຄື່ອງ​ໝາຍ​ຂອງ​ສັດ​ຮ້າຍ ເຊິ່ງ​ນຳ​ພາ​ໄປ​ສູ່​ການ​ລົງ​ໂທດ​ແຫ່ງ​ນະ​ຮົກ. ເມື່ອ​ພວກ​ເຮົາ​ເຂົ້າ​ໃຈ ແລະ ມີ​ຄວາມ​ເຊື່ອ​ທີ່​ໝັ້ນ​ຄົງ​ໃນ​ພະ​ຄິດ​ອັນ​ຊັງ​ໂຮງ ເຊິ່ງເປັນນາມ​ໃໝ່​ຂອງ​ພະ​ເຢ​ຊູ ແລະ ພະ​ມານ​ດາ​ແຫ່ງ​ສະ​ຫວັນ​ເຢ​ລູ​ຊາ​ເລັມ​ໃໝ່ ພວກ​ເຮົາ​ກໍຈະ​ໄດ້ຮັບ​ເຄື່ອງ​ໝາຍ​ແຫ່ງ​ຄວາມ​ພົ້ນ​ຈາກ​ພະ​ເຈົ້າ

[ວຽກ​ງານແຫ່ງ​ການ​ປະ​ທັບ​ຕາ​ຂອງ​ພະ​ເຈົ້າ ​ທີ່​ອັກ​ຄະ​ທູດ​ໂຢ​ຮັນ ແລະ ຜູ້​ປະ​ກາດພະຄໍາ ​ເອ​ເສ​ກຽນ
​ໄດ້​ທຳ​ນ​ວາຍເຖິງນັ້ນ​ແມ່ນ​ຫຍັງ?]

ພະ​ຄຳ​ພີ​ທໍານວາຍ​ວ່າ ວຽກ​ງານ​ທີ່​ຍິ່ງ​ໃຫຍ່​ຂອງ​ພະ​ເຈົ້າ​​ ແມ່ນການ​ປະ​ທັບ​ຕາ​ຂອງ​ພະ​ອົງ​ໃສ່​ທີ່​ໜ້າ​ຜາກ​ຂອງ​ບັນ​ດາ​ລູກ​ຂອງ​ພະ​ອົງ ດ້ວຍ​ພະ​ບັນ​ຍັດ​ຕ່າງໆຂອງ​ພະ​ອົງລວມ​ທັງ ​ປັດ​ສະ​ຄ​າ​ດ້ວຍ ໂດຍ​ເລີ່ມ​ຈາກ​​ສຸດປາຍ​ແຜ່ນ​ດິນ​ໂລກ ​ຈາກ ສ.ເກົາຫຼີ ບ່ອນ​ທີ່​ຕາ​ເວັນ​ຂຶ້ນ.

ແລ້ວຂ້າພະເຈົ້າກໍໄດ້ເຫັນສັດຮ້າຍໂຕໜຶ່ງຂຶ້ນມາຈາກທະເລ... ເພາະພະຍານາກເອົາສິດອໍານາດຂອງຕົນ
ໃຫ້ແກ່ສັດຮ້າຍ... ສັດຮ້າຍນັ້ນໄດ້ບັງຄັບທຸກຄົນ... ໃຫ້ມີເຄື່ອງໝາຍໄວ້ທີ່ມືຂວາ ຫຼື ທີ່ໜ້າຜາກຂອງພວກເຂົາ.
ບໍ່ມີໃຜຈະຊື້ ຫຼື ຂາຍໄດ້ ນອກຈາກເຂົາມີເຄື່ອງໝາຍນີ້ຄື: ຊື່ຂອງສັດຮ້າຍ ຫຼື ເລກທີ່ໝາຍເຖິງຊື່ນັ້ນ.
[ພະນິມິດ 13:1-17]

ຂ້າພະເຈົ້າໄດ້ເຫັນທູດສະຫວັນອີກຕົນໜຶ່ງ ມາຈາກທິດຕາເວັນອອກ ຖືຕາປະທັບຂອງພະເຈົ້າ ອົງຊົງຊີວິດຢູ່. ທູດສະຫວັນຕົນນີ້ ໄດ້ຮ້ອງສຽງດັງໃສ່ທູດສະຫວັນທັງສີ່ ຜູ້ທີ່ພະເຈົ້າໃຫ້ສິດອໍານາດທໍາລາຍແຜ່ນດິນໂລກ
ແລະ ທະເລນັ້ນ. ທູດສະຫວັນຕົນນີ້ກ່າວວ່າ “ຢ່າທໍາລາຍແຜ່ນດິນ, ທະເລ ຫຼື ຕົ້ນໄມ້; ຈົນກວ່າເຮົາຈະປະທັບຕາໃສ່ໜ້າຜາກ ບັນດາຜູ້ຮັບໃຊ້ຂອງພະເຈົ້າຂອງໝູ່ເຮົາກ່ອນ.”
[ພະນິມິດ 7:2–3]