Ka Dak U Blei & Ka Dak jong U Mrad Khlaw

Kaei ka Jingiapher Hapdeng ka Jingmih jong Kita Kiba Pdiang ia ka Dak U Blei bad Kita Kiba Pdiang ia ka Dak jong U Mrad Khlaw?

Lada ngi dei ki jong u mrad khlaw, ngin sa pdiang ia ka dak jong u mrad khlaw, kaban lam sha ka jingpynshitom ka dujok. Ngin sa pdiang ia ka dak ka jingpynim na U Blei haba ngi sngewthuh bad don ka jingngeit baskhem ha U Khrist Ahnsahnghong, ka kyrteng bathymmai U Jisu, bad ka Jerusalem Bathymmai Ka Kmie Bahabneng.

Kaei ka Kam ka Jingshon Shap U Blei Kaba U Apostol Ioannis bad U Esekiel u Nongiathuhlypa ki la Iathuhlypa?

Ka Baibl ka iathuhlypa ba ka kam bakhraw jong U Blei kan long ban buh ka shap halor ki shyllangmat jong ki khun jong U, kaba sdang na bakut jong ka khyndew na ka Republic of Korea, na sha bamih ka sngi, da ki hukum jong U kynthup kata ka jong ka Niam ka Jinglait.

Bad nga la iohi ia u mrad khlaw uba kiew noh na ka duriaw . . . te uta u iakjakor u la aiti ha u ia ka bor jong u, bad ia ka khet jong u, bad ia ka bor synshar bakhraw . . . Bad u pynlong ia ki baroh . . . ba yn buh ha ki ia ka dak halor ka kti kamon jong ki, lane halor ki shyllangmat jong ki; bad ba uno uno ruh un ym lah ban thied lane ban die, hynrei tang uta uba don kata ka dak, kata ka kyrteng hi uta u mrad khlaw kein, lane kata ka jingkhein ka kyrteng jong u.
Ka Jingpynpaw 13:1–17

Bad nga la iohi ia uwei pat u angel ba u wan kiew na sha bamih ka sngi, u da bat ia ka shap jong U Blei uba im; bad u la pyrta da ka ktien bajam ha kita ki saw angel, ha kiba la ai bor ban pynsniew ia ka khyndew bad ia ka duriaw, u da ong, “To wat pynsniew ia ka khyndew, lymne ia ka duriaw, lymne ia ki dieng, ha ban da ngi la ioh shon ia ki shakri U Blei jong ngi halor ki shyllangmat jong ki.”
Ka Jingpynpaw 7:2–3