Ka Longïing Bahabneng & Ka Longïing Baha Khyndew 2

Ka Baibl ka phla ba ka jingiadei hapdeng kiei kiei
kiba kynja khyndew bad kiei kiei kiba kynja bneng
ki long kum ka syrngiew bad ka jingshisha jong ka. Kane ka mut
ba ngi lah ban tip shaphang ka rukom jong ka longїing bahabneng
lyngba ka rukom jong ka longïing ba ha khyndew.

Ka Blei Ka Kmie, ka jingshisha jong ka Baibl

Ka Baibl ka ong ba kumba ngi don ki kpa ka doh,
ngi don ruh ia U Kpa jong ki mynsiem. Ryngkat bad kane,
ka jingdon jong Ka Blei Ka Kmie kaba ai jingim
sha ki khun bahabneng la pyntip sha ngi.

Hynrei kata ka Jerusalem kaba haneng ka long kaba laitluid, kaba long ka kmie jong ngi kein. Sha ki Galatia 4:26

Ka Niam ka jinglait, ka lad ban long ka bynta jong ka longïing bahabneng

U Blei U Kpa bad Ka Blei Ka Kmie ki buh ia ka doh bad
ka snam jong Ki ha ka Niam ka jinglait jong ka jutang bathymmai
bad shah ia kita kiba rakhe ia ka ban long ki khun jong Ki.

Ki khun U Blei kin ioh pateng ia baroh ka burom ha bneng
kum ki nongioh pateng jong U Blei. Namarkata, ka jingkyrkhu
ban long u khun U Blei ka long kabym lah pynshongdor.