परमेश्वरको छाप र पशुको छाप

[परमेश्वरको छाप पाएका मानिसहरू र पशुको छाप पाएका
मानिसहरूको परिणममा कस्तो भिन्नता छ ?]

मानिसको आज्ञा मानेर पशुको पक्षमा रह्यौं भने
हामीले नरकको दण्डतर्फ डोऱ्याउने पशुको छाप पाउनेछौं ।
तर बाइबलको शिक्षाअनुसार येशूज्यूको नयाँ नाउँ,
आन साङ होङज्यू र नयाँ यरूशलेम स्वर्गीय मातामाथि
दृढ विश्वास राख्यौं भने हामीले
परमेश्वरबाट मुक्तिको छाप प्राप्त गर्नेछौं ।

[प्रेरित यूहन्ना र इजकिएल अगमवक्ताले अगमवाणी गरेको
परमेश्वरको छाप लगाउने कार्य कस्तो कार्य हो ?]

परमेश्वरले उहाँको भय मान्ने सन्ताहरूलाई
अन्तिम विपत्तिबाट बचाउनुभएर सूर्योदय हुने
पूर्वको पल्लो छेउको देश,
गणतन्त्र कोरियाबाट सुरु गरेर निस्तार-चाड
र परमेश्वरका आज्ञाहरूद्वारा उहाँका सन्तानहरूको
निधारमा छाप लगाउनुहुने परमेश्वरको महान् कार्यको
विषयमा बाइबलमा अगमवाणी गरिएको छ ।

समुद्रबाट एउटा पशु निस्किआएको मैले देखें,
... त्यस अजिङ्गरले त्यस पशुलाई आफ्नो शक्ति,
आफ्नो सिंहासन र ठूलो अधिकार दियो ।
... अनि त्यसले ... सबैलाई तिनीहरूका
दाहिने हात वा निधारमा छाप लगाउन लायो ।
त्यो छाप नभईकन कसैले पनि
किनमेल गर्न नपाउने भयो ।
त्यो छापचाहिँ त्यस पशुको नाउँ
वा त्यसका नाउँको संख्या हो ।
प्रकाश १३:१-१७

तब जीवित परमेश्वरको मोहोर साथमा लिई
अर्को एक जना स्वर्गदूत पूर्वबाट उक्लेका मैले देखें ।
पृथ्वी र समुद्रलाई हानि पुऱ्याउने अख्तियार दिइराखेका
चार स्वर्गदूतलाई यसो भनेर तिनले चर्को सोरले भने,
“हामीले हाम्रा परमेश्वरका दासहरूका निधारमा
मोहोर नलाउञ्जेल पृथ्वी, समुद्र
वा रूखहरूलाई केही हानि नगर ।”
प्रकाश ७:२-३