ສີໂອນບ່ອນທີ່ ສະຫຼອງເທດສະການຕ່າງໆ

ເໝືອນດັ່ງທີ່ພວກເຮົາໃຊ້ກ້ອງຈຸລະທັດ
ເພື່ອເບິ່ງສິ່ງຂະໜາດນ້ອຍ ທີ່ບໍ່ສາມາດເບິ່ງເຫັນໄດ້,
ການທີ່ຈະເຂົ້າໃຈເຖິງ ເລື່ອງແຫ່ງຈິດວິນຍານ
ພວກເຮົາຕ້ອງເບິ່ງໂລກແຫ່ງຈິດວິນຍານ ໂດຍຜ່ານພະຄຳພີ.

ເຫດຜົນທີ່ຄິດສະຕະຈັກຂອງພະເຈົ້າ ແມ່ນ “ສີໂອນ”

ພະຄຳພີໄດ້ທຳນວາຍວ່າ ບັນດາຜູ້ຄົນຈະຫຼັ່ງໄຫຼໄປສູ່ສີໂອນ
ໃນມື້ສຸດທ້າຍ. ສີໂອນ ແມ່ນບ່ອນທີ່ພະເຈົ້າຊົງສະຖິດຢູ່
ແລະ ຊົງປົກຄອງປະຊາຊົນຂອງພະອົງ
ດ້ວຍພະສັນຍາແຫ່ງການອະໄພບາບ ໂດຍຜ່ານ
ເທດສະການ 3 ປາງ 7 ຊະນິດ
ແຫ່ງຄຳໝັ້ນສັນຍາໃໝ່.
(ເທດສະການປັດສະຄາ, ເທດສະການກິນເຂົ້າຈີ່ບໍ່ມີເຊື້ອແປ້ງ,
ວັນຄືນພະຊົນ, ເທດສະການເພັນເຕກັອດ, ເທດສະການເປົ່າແກ,
ມື້ລຶບລ້າງບາບໃຫຍ່ ແລະ ເທດສະການປຸກຕູບຢູ່)

ທີ່ພູສີໂອນພຸ້ນດູ ນະຄອນທີ່ພວກເຮົາ
ສະຫຼອງເທດສະການຕ່າງໆ...ພະຜູ້ເປັນເຈົ້າ
ຈະໃຫ້ພວກເຮົາເຫັນສະຫງ່າລາສີຂອງພະອົງ...
ແລະ ການບາບທັງໝົດຂອງພວກເຮົາຈະໄດ້ຮັບອະໄພ.
ເອຊາຢາ 33:20-24

ຄິດສະຕະຈັກຕອນຕົ້ນ ທີ່ໄດ້ຕິດຕາມຄຳສອນຂອງພະເຢຊູ
ຖືກແບ່ງອອກເປັນຫຼາຍຮ້ອຍນິກາຍໃນປັດຈຸບັນ
ໃນທ່າມກາງພວກເຂົາເຫຼົ່ານັ້ນ
ມີພຽງແຕ່ຄິດສະຕະຈັກຂອງພະເຈົ້າ
ປະຕິບັດຕາມເທດສະການຕ່າງໆຂອງພະເຈົ້າ. ​
ນັ້ນກໍ່ໝາຍຄວາມວ່າ ບັນດາຜູ້ຄົນທີ່ຮູ້ຈັກສີໂອນ ແລະ ເປັນຂອງສີໂອນ
ມີການຮັບປະກັນຄວາມພົ້ນຂອງພວກເຂົາ.