Sabat Salni Dagimung tei Kόktisalni Lobmung Panda

Kόktisalni Lobmung Panda tei Sabatni(Chasal) Lobmung Panda Kainwini Bere, Bu Samung Chwngno Chuknoha-o Tẃitherwi Mannai?

Katswi swngcharni amjokmungni bising tẃi majra bernai tei majra berjaknai, khoroknwini bere saboni cha eba chaya buj thumnai chongmani hai, o ha-o buj thummani sal phai phuru, Chuknohani buj thumnai Kaitor, Baibelni kόktháirokno rwksaui, bόrokni samung khlai mani hai kheno Chuknoha-o da eba morke-o da thángnai buj thumjaknai.

Kaitorni Motha “Sabat Salno Muitu Ma Khlainai tei Kwthar Khe Ma Tẃinai,” Hwnwi Dagimano Tẃi-o.

“Ang Kaitorno poito khlai-o,” hwnwi sanai borok phiya ba dagimungrokno tẃi ya borok pholani tatal sanai hai khe morke-o rohorjaknai hwnwi Kaitor sa-o.
O molo, Khristo Ahnsahnghong tei Ama Kaitorni phrwngmani hai khe, Sabat salno muitu khlaiui kwthar khe tẃi tẃi mani bising tẃi, Swmai Kwtalni kubui-o tongnai chuknohani bwsarokno Kaitor mwthango.

“Ano ‘Subrai, Subrai!’ hwnnairok bórok bebak’-no Kaitorni ha-o habwi man glak, tamo khe chuknohani Aphani muchung tẃi tongnairok simi se habwi man anw.”
Mathai 7:21

Tabuk chwng Kaitorni dagimungrokno khnaui tong khe chwng bono sini-o hwnwi saui man súgo. Khoroksa swk, “Ang bono sini-o,” hwnwi saui bini dagima hai khe tong ya khe a borok wng kha tatal, a borokni thani kubui kwrwi.
1 Johon 2:3-4