Kaitor Chwngno Rw Kha Hwnwi Buchi Di

Sabat tei Yókma ter tẃimani wng kha Bahan-bwthẃi’-o khe Phainai Kaitorno Sini nani Lama se

Kaitorni dagimungno tẃi yaui, Kaitorni a bisingni kók, Khristono chwng sini-ui man ya. Tamni hwn ba Kaitorni dagimung abo wng kha Sabat tei Swmai Kwtalni Yókma terno tẃinairokno simi se buchinani phan rw-o, bahan-bwthẃi-o khe phainai Kaitorno bórok sini manna tẃi khe.

Tamni Bagwi Kaitorni Motha Khristo Ahnsahnghong tei Ama Kaitorno poito khlai?

Borok banokmani kerongno tẃinairok Sabat tei Yókma terno nangjak ya wngo, phiya Kaitorni aroni buchimung mannairok khe Kaitorni dagimungni sói kókmang tongma khá kaui mano tei chirikhok lai-o, “Omo wng kha chini Kaitor,” Jisaia diyari sasokma hai khe. Khristo Ahnsahnghong bai Ama Kaitor, 1,600 bisini bara pálaijak ya Yókma terno songchama bai thwimungno sokomornairok wng kha, bororok naisingwi tongmani kubui Kaitor se.

Subraiyungno kirimá-no elemni chengsagrama;
abono khnaui tongnairok khe kaham khe buchinai gwja.
Bo lob phlaijak máng tong thung.
Lobmung 111:10

O hathái’-ono sengkrakrokni Subraiyung bebak bororokni bagwi chámung panda kotor kaisa rwnai bebak kothok kothok chámung tei bupham gwnang bahanrok bai tei kaham kuk angur bwtwi bai panda khlaijaknai . . . Kwplaisa Subraiyung thwimano monogwi páinai . . . . A salo hai hwnwi sajaknai “Nai di omo chini Kaitor; chwngno mwthangna bagwi bo naisingwi tong kha”
Jisaia 25:6–9