ຄວາມເຂົ້າໃຈ ທີ່ພະເຈົ້າຊົງປະທານໃຫ້ພວກເຮົາ

[ຖ້າຕ້ອງການຮູ້ຈັກພະເຈົ້າ ຜູ້ຊົງສະເດັດມາໃນສະພາບເນື້ອໜັງ ພວກເຮົາຕ້ອງປະຕິບັດຕາມມື້ພະ ແລະ ປັດສະຄາ]

ຖ້າປາສະຈາກການປະຕິບັດຕາມພະບັນຍັດຂອງພະເຈົ້າ, ພວກເຮົາກໍບໍ່ສາມາດຮູ້ຈັກພະຄິດ ທີ່ເປັນຄວາມເລິກລັບຂອງພະເຈົ້າໄດ້. ເພາະວ່າ ພະເຈົ້າຊົງປະທານຄວາມເຂົ້າໃຈໃຫ້ ພຽງແຕ່ຜູ້ທີ່ປະຕິບັດຕາມພະບັນຍັດຂອງພະເຈົ້າເທົ່ານັ້ນເຊັ່ນ: ມື້ພະ ແລະ ປັດສະຄາແຫ່ງຄໍາໝັ້ນສັນຍາໃໝ່ ເພື່ອທີ່ພວກເຂົາຈະສາມາດຮູ້ຈັກພະເຈົ້າ ຜູ້ຊົງສະເດັດມາໃນສະພາບເນື້ອໜັງ.

[ເປັນຫຍັງຄິດສະຕະຈັກຂອງພະເຈົ້າ ຈຶ່ງເຊື່ອໃນພະຄິດອັນຊັງໂຮງ ແລະ ພະເຈົ້າພະມານດາ?]

ບັນດາຜູ້ທີ່ປະຕິບັດຕາມທໍານຽມທີ່ມະນຸດໄດ້ສ້າງຂຶ້ນນັ້ນຖືວ່າ ມື້ພະ ແລະ ປັດສະຄາ ບໍ່ສໍາຄັນ,
ແຕ່ວ່າ ຜູ້ທີ່ໄດ້ຮັບຄວາມເຂົ້າໃຈມາຈາກພະເຈົ້າ ເຂົ້າໃຈຄວາມໝາຍທີ່ແທ້ຈິງ ທີ່ບັນຈຸໃນພະບັນຍັດແຕ່ລະຢ່າງຂອງພະອົງ ແລະ ເວົ້າວ່າ: “ນີ້ແຫຼະແມ່ນພະເຈົ້າຂອງພວກເຮົາ” ດັ່ງທີ່ເອຊາຢາໄດ້ທໍານວາຍໄວ້. ພະຄິດອັນຊັງໂຮງ ແລະ ພະເຈົ້າພະມານດາ ຜູ້ທີ່ໄດ້ຊົງທໍາລາຍຄວາມຕາຍຕະຫຼອດໄປ ໂດຍຊົງຟື້ນຟູປັດສະຄາ ເຊິ່ງບໍ່ໄດ້ມີການປະຕິບັດຕາມ ເປັນເວລາກວ່າ 1,600 ປີ ແມ່ນພະເຈົ້າອົງແທ້ຈິງ ຜູ້ທີ່ມະນຸດຊາດລໍຄອຍຖ້າ.

ການຢໍາເກງພະເຈົ້າໃຫ້ມີປັນຍາຫຼາຍ ຜູ້ເຊື່ອຟັງຂໍ້ຄໍາສັ່ງຈະເຂົ້າໃຈຢ່າງເລິກແລບ ຄໍາສັນລະເສີນຈົ່ງມີແກ່ພະເຈົ້າຕະຫຼອດໄປ ຂໍພະອົງຈົ່ງເປັນທີ່ຍົກຍໍສືບໆໄປເທີ້ນ.
[ເພງສັນລະເສີນ 111:10]

ທີ່ເທິງພູສີໂອນບ່ອນນີ້ ພະຜູ້ເປັນເຈົ້າອົງຊົງລິດອໍານາດຍິ່ງໃຫຍ່ ຈະຕຽມງານກິນລ້ຽງໃຫຍ່ ສໍາລັບຊົນຊາດທັງໝົດໃນໂລກຄື ການກິນລ້ຽງໃຫຍ່ ທີ່ມີອາຫານບໍລິບູນທີ່ສຸດ ແລະ ມີເຫຼົ້າອະງຸ່ນທີ່ດີເລີດ...
ພະເຈົ້າແຫ່ງຈັກກະວານຈະທໍາລາຍຄວາມຕາຍຕະຫຼອດໄປ!...ເມື່ອເຫດການນັ້ນເກີດຂຶ້ນ ທຸກຄົນກໍຈະເວົ້າວ່າ “ພະອົງເປັນພະເຈົ້າຂອງຂ້າພະອົງທັງຫຼາຍ! ພວກຂ້າພະອົງເຊື່ອ ແລະ ໄວ້ວາງໃຈໃນພະອົງ; ສະນັ້ນ ພະອົງຈຶ່ງຊ່ວຍກູ້ເອົາ ຂ້າພະອົງທັງຫຼາຍໄວ້...
[ເອຊາຢາ 25:6-9]