Tamni Bagwi Soitan Sabat Salno Sokomor Nani Muchungjak?

Sabat Sal Wng Kha Kaitorno Muitu Khlaina kaisa Sal tei Kaitorni Thani bororokno kiphil rw-o.

Sabat Sal wng kha Snamnaisa’-no muitu khlaina sal se, abo se chwngno Snamnaisa Kaitorno kiri rw-o tei Bórokni phanno khá kaui man rw-o tei Kaitorni thani kiphil rw-o. Abo wng kha Kaisa Kaitorni bwsarokni bagwi mari. Aboni bagwino bororok Kaitorni thani phaiwi man ya wngna tẃi khe Soitan Sabat Salno koktisalni khulumma panda khe slái rw kha.

Snamnaisa Kwnwi—Apha Kaitor bai Ama Kaitor.

Yaphango Kaitor “Phai di Chwng bai kosol khe borokno snamnai” hwnwi sa phuru, Kaitorni samo Solomon tong kha tei Apha Kaitor bai Ama Kaitorni khorangno khna kha hwnwi Baibelo swijak kha. Abo tẃi kheno, Kaitorni Mothani adongrokbo Baibelni phrwngmung tei diyarirokni bising tẃi khe Elohim Kaitorno sini kha, tei Kaitorno kirijak kha, tei elemni kók-o swijakma hai kheno Kaitorni dagimungrokno tẃi kha.

Aboni bagwi ang rangchakni sláibo, rangchak
kaham kukni slái se nini dagimungrokno hamjago.
Kubu-kubui’-no ang nini dagimungno naharwi se
ani yapri sénai; ang jotto lama cha yarokno naislero.
Lobmung 119:127-128