Balei U Soitan U Kwah Ban Pynduh Noh ia ka Sngi Sabbaton?

Ka Sngi Sabbaton Ka Dei Ka Sngi Ban Kynmaw Burom ia U Blei bad Iarap ia ki Briew ban Phai Pat sha U Blei

Ka Sngi Sabbaton ka dei ka sngi kynmaw ia Ki Nongthaw, kiba iarap ia ngi ban sheptieng ia U Blei Ki Nongbuh Nongthaw bad sngewthuh ia ka bor jong Ki bad iarap ia ki briew ban phai pat sha U Blei. Ka dei ruh ka dak ia ki khun U Blei. Dei namarkata u Soitan u la pynkylla ia ka Sngi Sabbaton sha ka jingmane sngi U Blei khnang ba ki briew kin ym lah ban wan sha U Blei.

Arngut Ki Nongthaw, U Blei U Kpa bad Ka Blei Ka Kmie

Ka la thoh ha ka Baibl ba U Solomon u la don hajan U Blei bad iohsngew ia ka ktien jong U Blei U Kpa bad Ka Blei Ka Kmie mynba U Blei u ong ha kaba mynnyngkong, “To ngin iathaw ia u briew ha ka dur jong Ngi.” Ha kajuh ka rukom, ki dkhot ka Balang U Blei ki la sngewthuh ia U Blei Elohim lyngba ki jinghikai ka Baibl bad jong ki nongiathuhlypa, bad ki sheptieng ia U Blei, bad ki sumar ia ki hukum U Blei kumba ka la thoh ha ki ktien ka jingstad.

Namarkata nga ieit ia ki hukum jong me tam ia ka ksiar, wat tam ia ka ksiar ba la phrang. Namarkata nga ñiew kiba dei ki hukum jong me shaphang kiei kiei baroh; bad nga isih ia ka lynti lamler baroh.
Ki Salm 119:127–128