ເປັນຫຍັງຊາຕານ ຈຶ່ງຕ້ອງການຍົກເລີກມື້ພະ?

[ມື້ພະ ແມ່ນມື້ທີ່ລະນຶກເຖິງພະເຈົ້າ ແລະ ອະນຸຍາດໃຫ້ມະນຸດກັບຄືນມາຫາພະເຈົ້າ]

ມື້ພະ ແມ່ນມື້ທີ່ລະນຶກເຖິງພະຜູ້ສ້າງ ເຊິ່ງເຮັດໃຫ້ພວກເຮົາຢໍາເກງພະເຈົ້າ ແລະ ເຂົ້າໃຈເຖິງລິດອໍານາດຂອງພະອົງທັງສອງ ແລະ ອະນຸຍາດໃຫ້ມະນຸດຊາດກັບຄືນມາຫາພະເຈົ້າ. ມື້ພະຍັງເປັນເຄື່ອງໝາຍສໍາຄັນ ສໍາລັບບັນດາລູກຂອງພະເຈົ້າດ້ວຍ. ນີ້ແມ່ນເຫດຜົນທີ່ຊາຕານໄດ້ປ່ຽນແປງມື້ພະ ເປັນການນະມັດສະການວັນອາທິດ ເພື່ອປ້ອງກັນບໍ່ໃຫ້ມະນຸດກັບຄືນມາຫາພະເຈົ້າ.

[ພະຜູ້ສ້າງສອງພະອົງ ຄື ພະເຈົ້າພະບິດາ ແລະ ພະເຈົ້າພະມານດາ]

ໄດ້ບັນທຶກໄວ້ໃນພະຄໍາພີວ່າ ໂຊໂລໂມນໄດ້ຢູ່ຄຽງຂ້າງພະເຈົ້າ ແລະ ໄດ້ຍິນສຽງຂອງພະເຈົ້າພະບິດາ
ແລະ ພະເຈົ້າພະມານດາ ເມື່ອພະເຈົ້າໄດ້ຊົງກ່າວໃນຕັ້ງຕົ້ນວ່າ “ບັດນີ້ ເຮົາຈະສ້າງມະນຸດໃຫ້ຄ້າຍຄືເຮົາ”.
ກໍເຊັ່ນດຽວກັນ, ບັນດາຜູ້ເຊື່ອຖື ໃນຄິດສະຕະຈັກຂອງພະເຈົ້າ ໄດ້ເຂົ້າໃຈໃນພະເຈົ້າເອໂລຮິມ
ໂດຍຜ່ານຄໍາສັ່ງສອນຂອງພະຄໍາພີ ແລະ ບັນດາຜູ້ປະກາດພະຄໍາ, ໄດ້ຢໍາເກງພະເຈົ້າ ແລະ
ປະຕິບັດຕາມພະບັນຍັດຂອງພະເຈົ້າ ຕາມທີ່ບັນທຶກໄວ້ໃນຖ້ອຍຄໍາແຫ່ງສະຕິປັນຍາ.

ຂ້າພະອົງຮັກພະຂໍ້ຄໍາສັ່ງກວ່າຮັກເງິນຄໍາ ຮັກພະຂໍ້ຄໍາສັ່ງອີຫຼີ ຫຼາຍກວ່າຄໍານໍ້າໜຶ່ງ.
ດັ່ງນັ້ນ ຈຶ່ງທໍາຕາມທຸກຄໍາແນະນໍາຂອງພະອົງ ເພາະວ່າ ກຽດຊັງຄວາມປະພຶດຜິດທຸກຢ່າງ.
ເພງສັນລະເສີນ 119:127-128