ພະບັນຍັດຂອງພະເຈົ້າ ແລະ ຄວາມຮັກ

ຢູ່ໃນສວນໄລອອນທີ່ຕັ້ງຢູ່ໃນເມືອງ ໂຈຮັນເນັດສເບີກ, ສາທາລະນະລັດອັບຟຣິກກາໃຕ້,
ມີກົດລະບຽບວ່າ “ຫ້າມເລື່ອນແວ່ນລົດລົງ!”
ແຕ່ນັກທ່ອງທ່ຽວຄົນໜຶ່ງ ໄດ້ຝ່າຝືນກົດລະບຽບ ໂດຍເລື່ອນແວ່ນລົດລົງ.
ໃນທີ່ສຸດ, ລາວກໍ່ໄດ້ຖືກໂຕສິງທໍາຮ້າຍ ຈົນເສຍຊີວິດ.

ໃນທໍານອງດຽວກັນ, ຊາຕານມານທີ່ຊົ່ວຮ້າຍກໍາລັງຊອກຫາ ຜູ້ທີ່ມັນຈະກັດກິນໄດ້
ເໝືອນດັ່ງໂຕສິງທີ່ແຜດສຽງ. ຄວາມຄິດທີ່ວ່າ “ສິ່ງເລັກນ້ອຍ ບໍ່ເປັນຫຍັງດອກ”
ໄດ້ເຮັດໃຫ້ແມ່ນແຕ່ຈິດວິນຍານຂອງສະມາຊິກ ຄິດສະຕະຈັກຂອງພະເຈົ້າຕົກຢູ່ໃນວິກິດການ.

ຈົ່ງລະມັດລະວັງຕົວ ຈົ່ງຄອຍເຝົ້າຢູ່! ເພາະສັດຕູຂອງພວກທ່ານ ແມ່ນມານ ທ່ຽວວົນວຽນໄປມາ ດັ່ງໂຕສິງທີ່ແຜດສຽງ ຊອກຫາຄົນທີ່ມັນຈະກັດກິນໄດ້. ຈົ່ງໝັ້ນຄົງໃນຄວາມເຊື່ອຂອງພວກທ່ານ ແລະ ຕໍ່ຕ້ານສັດຕູ ເພາະພວກທ່ານຮູ້ຢູ່ແລ້ວວ່າ ພີ່ນ້ອງຄົນເຊື່ອຖືທົ່ວໂລກ ກໍ່ຜ່ານຄວາມທົນທຸກຢ່າງດຽວກັນນີ້. [1 ເປໂຕ 5:8-9]

[ກົດລະບຽບທີ່ປົກປ້ອງຈິດວິນຍານຂອງພວກເຮົາແມ່ນ ພະບັນຍັດຂອງພະເຈົ້າ]

ເຖິງແມ່ນວ່າ ຊາຕານພະຍາຍາມລໍ້ລວງພວກເຮົາ ດ້ວຍທຸກວິທີທາງ
ເພື່ອບໍ່ໃຫ້ປະຕິບັດຕາມ ພະບັນຍັດຂອງພະເຈົ້າ, ແຕ່ບັນດາລູກຂອງພະເຈົ້າຕ້ອງປະຕິບັດຕາມ
ພະບັນຍັດທີ່ພະເຈົ້າຊົງກໍາໜົດໄວ້ ຈົນເຖິງສຸດທ້າຍ ແລະ ໄດ້ຮັບການປົກປ້ອງມາຈາກ
ພະເຈົ້າພະບິດາ ແລະ ພະມານດາໃນຄິດສະຕະຈັກຂອງພະເຈົ້າ ຈົນກວ່າເຂົ້າສູ່ອານາຈັກສະຫວັນ.