परमेश्वरको आज्ञा र प्रेम

८. परमेश्वरको आज्ञा र प्रेम (परमेश्वरको मण्डली विश्व सुसमाचार समाज)

दक्षिण अफ्रिकाको जोहानेस्बर्गमा अवस्थित लायन पार्कमा
“गाडीको झ्याल कदापि नखोल्नुहोला” भन्ने नियम छ ।
तर एक जना पर्यटकले नियम तोडेर झ्याल तल झारिन् ।
आखिरमा सिंहको आक्रमणमा परेर तिनले आफ्नो ज्यान गुमाइन् ।

यसै गरी शैतान दियाबलसले कसलाई खाइहालूँ भनी
गर्जने सिंहजस्तै खोजिहिँडिरहेको छ ।
‘यति सानो कुरा त ठीकै छ’ भन्ने सोचाइले
परमेश्वरको मण्डलीमा रहेका सन्तहरूलाई समेत
जोखिममा पर्ने गराउँछ ।

सचेत रहो, जागा रहो, तिमीहरूको शत्रु दियाबलस कसलाई भेट्टाऊँ र खाइहालूँ भनी गर्जने सिंहझैँ खोजिहिँड्छ । विश्वासमा दह्रिला भएर त्यसको विरोध गर, किनकि संसारभरि नै तिमीहरूका दाजुभाइहरूले पनि यस्तै कष्ट अनुभव गरिरहनुपरेको छ । १ पत्रुस ५:८-९

हाम्रो आत्मालाई सुरक्षा गर्ने नियम, परमेश्वरको आज्ञा

दियाबलसले परमेश्वरको आज्ञा पालन गर्न नसक्ने गरी
हामीलाई हरतरिकाले प्रलोभनमा पार्न खोजे तापनि
परमेश्वरका सन्तानहरूले परमेश्वरले स्थापना गरिदिनुभएका
आज्ञाहरू अन्त्यसम्मै पालन गर्नुपर्छ र
स्वर्ग जाने दिनसम्मै पिता र माता परमेश्वरको सुरक्षा पाउनुपर्छ ।