Kaitorni Dagimung tei Mwthangjakmung

Kaitor Tiyar Khlai Mani Tongphlainai Chuknoha tei Kaitorni Dagimungrokni Kwrwng Laima

Bororok bahan-bwtwi’-o wng mani bagwi, bόrok pholani swngcharno nugwi man ya, aboni bagwi bόrokni langma-o phai mani jwngjalno kati nani bagwi simi se bόrok Kaitorno naituk lai si-o. Haiphano, tabuk chwng, Kaitor chini soi bwsakno rwnani hwnwi kόk rwmani tei chẃngsacha; tongphlainai Chuknoha-o chwngno tẃithernani bagwi kόk rwmani, Kaitorni a dagimungrokno ma tẃi nai.

Apha Kaitor bai Ama Kaitor wng kha Chonghorrok Lumani Nokthai’-o Tangjakmani a Kubuirok

Kaitorni Motha wng kha chonghorrok bai diyarirok khe lumani nokthai’-o tangjakmani kubui motha. Adongrok Phola Kwtharni Molo Jisuni mung kwtal bai phainai Khristo Ahnsahnghong-ni mung bai suri san lai’-o, tei Khristo Ahnsahnghong sakki rwmani Jerusalemno, Ama Kaitorbo poito khlai-o.

Kwplai wngnai borokno ang ani Kaitorni noktharni thongla snamnai . . . . Ang bini saka ani Kaitorni bumung swinai, ani Kaitorni taunni bumungbo swinai; a taun wng kha Jerusalem kwtal . . . . Ang bini saka ani mung kwtalbo swinai.
Phunukjakmani 3:17

Abo baino norok buini bororok norok tei phatarsabo wng li ya, sinijak yabo wng li ya; norok tabuk Kaitorni bororok bai sak baksa wng kha, phiya Kaitorni nokni borok wng kha. Norokbo chonghorrok bai diyarirok lumani a nokthai-o snamwi tisajak kha, . . . .
Epis 2:19-20