Ki Hukum U Blei bad Ka Jingpynim

Ka Jingiadei Hapdeng ka Hima ki Bneng Babymjukut Kaba U Blei U La Pynkhreh bad Ki Hukum U Blei

Naba ki briew kim lah ban iohi ia ka pyrthei bakynja mynsiem namarba ki don ha ka doh, ki ju wad ia U Blei tang ban lait na ki jingeh kiba ki iakynduh ha ka jingim jong ki. La kumta ruh, mynta ngi dei ban sumar ia ki hukum U Blei ha kiba U Blei u la kular ban pynioh pat ia ka jinglong tynrai jong ngi bad ialam ia ngi sha ka Hima ki Bneng badonburom bad babymjukut.

U Blei U Kpa bad Ka Blei Ka Kmie Ki Long Ka Jingshisha Ba La Tei halor ka Nongrim jong ki Apostol

Ka Balang U Blei ka dei ka balang bashisha kaba la tei halor ka nongrim jong ki apostol bad ki nongiathuhlypa. Ki dkhot ki duwai ha ka kyrteng jong U Khrist Ahnsahnghong uba la wan da ka kyrteng bathymmai jong U Jisu ha ka Juk jong U Mynsiem Bakhuid, bad ki ngeit ha ka Jerusalem Ka Blei Ka Kmie kaba U Khrist Ahnsahnghong u la phla.

“Uta uba jop, ngan pynlong u rijied ia u ha ka ïing U Blei jong nga . . . bad ngan thoh halor jong u . . . ia ka kyrteng jong kata ka nongbah U Blei jong nga, ka Jerusalem bathymmai . . . bad ia kata ka kyrteng jong nga kaba thymmai.”
Ka Jingpynpaw 3:12

Kumta te phim long shuh ki nongwei bad ki sohshnong, hynrei ki para trai shnong bad ki riewkhuid,
bad kiba iadei na ka ïing U Blei; ba la tei ia phi halor ka nongrim ki apostol bad ki nongiathuhlypa . . .
Sha Ki Nong Ephesos 2:19–20