Ka Hukum jong ka Sngi Sabbaton & ka Jingiaseng Sngi U Blei

Hapdeng ka Jingiaseng Sngi U Blei bad ka Jingiaseng Sabbaton (Sngi Saitjain), Kano ka Dei ka Kam Kaban Lam ia Ngi sha Bneng?

Kumba u nongbishar u rai la u nongmudui bad u nongiada u dei ne u lait ha ka jingbishar pyrthei, ynda la wan ka sngi bishar ha ka khyndew, U Blei uba long u nongbishar ha Bneng, un bishar ia ki briew la kin leit sha Bneng ne sha dujok katba kum ka jingleh jong ki, kaba shong ha ki ktien U Blei.

Ka Balang U Blei ka Sumar ia ka Hukum, “Kynmaw ia ka Sngi Sabbaton, ban Rakhe Khuid ia Ka.”

U Blei u ong ba kito kiba ong, “Nga ngeit ha U Blei,” hynrei kibym sumar ia ki hukum kin shah rai pynrem sha dujok kum kiba lamler bakynja mynsiem.
Ha kane ka juk, U Blei u ai ia ka jingpynim sha ki khun bakynja bneng kiba iaineh ha ka jingshisha jong ka Jutang Bathymmai katba kum ki jinghikai jong U Khrist Ahnsahnghong bad Ka Blei Ka Kmie, da kaba kynmaw ia ka Sngi Sabbaton ban rakhe khuid ia ka.

“Ym u briew baroh uba ong ha nga, ‘Ah Trai, Ah Trai,’ uban ioh leit hapoh ka hima ki bneng; hynrei uta kein uba leh ia ka mon U Kpa jong nga uba ha bneng.”
Mathaios 7:21

Bad ha kane ngi tip ba ngi ithuh ia u, lada ngi sumar ia ki hukum jong u. Uta uba ong, “Nga ithuh ia u,” bad ubym sumar ia ki hukum jong u, u long uba lamler, bad kata ka jingshisha kam don ha u.
1 U Ioannis 2:3‒4