To Ngin Pyniapher Hapdeng Ka Jingshisha bad Ka Jinglamler

Ban wan ha U Blei bashisha, ngim dei ban ngeit
ha ki ktien jong ki briew hynrei ki ktien jong ka Baibl.

Ka dei namar ha kane ka juk ba la dap da shibun bah
ki khrist lamler bad ki jinghikai lamler, tang lyngba ka ktien
U Blei ngi lah ban pyniapher hapdeng ka jingshisha bad ka jinglamler.

“Phi ïit bha ia ki Jingthoh, naba ha ki
phi mut ba phi ioh ka jingim bymjukut:
kita ruh ki long kiba iaphla ia nga.” Ioannis 5:39

Kum U Petros uba la ioh ia ki shabi jong ka Hima ki Bneng
haba U la ithuh ia U Jisu uba long U Blei ha kaba dei,
haba ngi ithuh ha kaba dei ia U Blei U Kpa bad Ka Blei Ka Kmie
kiba la wan ha kane ka juk jong U Mynsiem Bakhuid,
ngin ioh ki jingkyrkhu bakhraw jong ka Bneng.

Ka Jingshisha jong ka Baibl ka Dei Ban Ngeit ha Ka Blei Ka Kmie

Ka la thoh ba kaei kaei kaba don ha ka khyndew ka long ka dur bad ka syrngiew
jong kaei kaei kaba don ha Bneng. Khamtam lyngba ka rukom longïing bakynja doh,
U Blei u la kyrsiew ia ngi shaphang ka rukom longïing ba ha bneng
bad U la pyntip ia ngi ba tang lyngba ka doh bad ka snam U Blei,
ba la ai lyngba u kpu bad ka waiñ jong ka Niam ka jinglait,
ngi lah ban long ki khun bashisha U Blei.
(Ka rukom ka longïing ba ha bneng kaba kynthup ia U Kpa, Ka Kmie, bad ki khun)

Kumba U Blei u la ai ka jingstad ia U Solomon ban pyniapher
kano ka dei ka kmie bashisha, ha kine ki sngi la ai ka jingstad sha
ki riewkhuid jong ka Balang U Blei lyngba ki ktien jong ka Baibl
bad ki la shah kyrkhu ban wan sha Ka Blei Ka Kmie.