ចូរយើងបែងចែក សេចក្តីពិត និងសេចក្តីក្លែងក្លាយ

ដើម្បីទៅឯព្រះពិតបាន យើងមិនត្រូវជឿលើពាក្យរបស់មនុស្សទេ
គឺត្រូវតែជឿលើព្រះបន្ទូលក្នុងព្រះគម្ពីរ។ គឺដោយសារតែយើងរស់នៅជំនាន់
ដែលមានសុទ្ធតែព្រះគ្រីស្ទក្លែងក្លាយ និងសេចក្តីបង្រៀនក្លែងក្លាយ។
យើងអាចបែងចែកសេចក្តីពិត និងសេចក្តីក្លែងក្លាយបាន
តែតាមរយៈព្រះបន្ទូលរបស់ព្រះប៉ុណ្ណោះ។

អ្នក​រាល់​គ្នា​ស្ទង់​មើល​គម្ពីរ ដោយ​ស្មាន​ថា បាន​ជីវិត​ដ៏​នៅ​អស់​កល្ប​ជានិច្ច​អំពី​គម្ពីរ​នោះ​មក គឺ​ជា​គម្ពីរ​នោះ​ឯង ដែល​ធ្វើ​បន្ទាល់​ពី​ខ្ញុំ យ៉ូហាន ៥:៣៩

ដូចពេត្រុសបានទទួលកូនសោនៃនគរស្ថានសួគ៌
នៅពេលគាត់បានយល់ដឹងថា ព្រះយេស៊ូវជាព្រះ
ដូច្នេះនៅពេលយើងយល់ដឹងពីព្រះវរបិតា និងព្រះមាតា
ដែលបានយាងមកនៅជំនាន់ព្រះវិញ្ញាណបរិសុទ្ធ យ៉ាងពេញលេញ
ទើបយើងអាចទទួលព្រះពរដ៏ធំនៅស្ថានសួគ៌បាន។

សេចក្តីពិតនៃព្រះគម្ពីរ គឺជាការជឿលើព្រះមាតា

មានចែងទុកថា របស់នៅផែនដីនេះ គឺជាគម្រូ ហើយជាស្រមោលពីរបស់នៅស្ថានសួគ៌។
ជាពិសេស ព្រះបានដាស់តឿនយើងពីប្រព័ន្ធគ្រួសារស្ថានសួគ៌ តាមរយៈប្រព័ន្ធគ្រួសារផែនដីនេះ
ហើយឲ្យយើងស្គាល់ថា មានតែតាមរយៈសាច់ និងឈាមរបស់ព្រះ
ដែលបានប្រទានដោយនំប៉័ង និងស្រាទំពាំងបាយជូរនៃបុណ្យរំលងប៉ុណ្ណោះ
ទើបយើងអាចក្លាយជាកូនដ៏ពិតរបស់ព្រះបាន។
(ប្រព័ន្ធគ្រួសារស្ថានសួគ៌ មានព្រះវរបិតា ព្រះមាតា និងកូនៗ)

ដូចព្រះបានប្រទានប្រាជ្ញាឲ្យសាឡូម៉ូនបែងចែក ថាអ្នកណាជាម្តាយពិត
សព្វថ្ងៃនេះ ពួកបរិសុទ្ធនៅពួកជំនុំនៃព្រះ ក៏បានទទួលប្រាជ្ញា
តាមរយៈព្រះបន្ទូលនៃព្រះគម្ពីរដែរ ហើយបានទទួលព្រះពរ ដែលចូលទៅដល់ព្រះមាតា។