ພວກເຮົາຈົ່ງໄຈ້ແຍກລະຫວ່າງ ຄວາມຈິງ ແລະ ຄວາມບໍ່ຈິງ

ເພື່ອມາສູ່ພະເຈົ້າອົງແທ້ຈິງ, ພວກເຮົາບໍ່ຕ້ອງເຊື່ອ
ຄໍາເວົ້າຂອງມະນຸດ ແຕ່ຈົ່ງເຊື່ອພະຄໍາໃນພະຄໍາພີ.
ເພາະພວກເຮົາດໍາເນີນຊີວິດໃນສະໄໝທີ່ເຕັມດ້ວຍ
ພະຄິດປອມ ແລະ ຄໍາສັ່ງສອນປອມຈໍານວນຫຼວງຫຼາຍ.
ພວກເຮົາສາມາດໄຈ້ແຍກລະຫວ່າງຄວາມຈິງ ແລະ ຄວາມບໍ່ຈິງ
ພຽງແຕ່ໂດຍຜ່ານພະຄໍາຂອງພະເຈົ້າເທົ່ານັ້ນ.

“ພວກທ່ານຄົ້ນຫາໃນພະຄໍາພີ
ເພາະຄິດວ່າຈະພົບຊີວິດອັນຕະຫຼອດໄປເປັນນິດ.
ແມ່ນພະຄໍາພີນີ້ແຫຼະ ທີ່ເປັນພິຍານໃຫ້ເຮົາ.”
ໂຢຮັນ 5:39

ດັ່ງເປໂຕ ຜູ້ທີ່ໄດ້ຮັບຂໍກະແຈແຫ່ງອານາຈັກສະຫວັນ
ເມື່ອລາວໄດ້ເຂົ້າໃຈຢ່າງຖືກຕ້ອງວ່າ ພະເຢຊູຊົງເປັນພະເຈົ້າ,
ເມື່ອພວກເຮົາໄດ້ເຂົ້າໃຈຢ່າງຖືກຕ້ອງເຖິງ
ພະເຈົ້າພະບິດາ ແລະ ພະເຈົ້າພະມານດາ
ຜູ້ທີ່ຊົງສະເດັດມາໃນສະໄໝພະວິນຍານບໍລິສຸດ,
ພວກເຮົາກໍ່ຈະສາມາດຮັບພະພອນທີ່ຍິ່ງໃຫຍ່ແຫ່ງສະຫວັນໄດ້.

ຄວາມຈິງໃນພະຄໍາພີ ແມ່ນເພື່ອເຊື່ອໃນພະເຈົ້າພະມານດາ

ໄດ້ມີບັນທຶກໄວ້ວ່າ ສິ່ງຂອງທີ່ມີໃນໂລກ ແມ່ນການລອກແບບ ແລະ ເງົາ
ຂອງສິ່ງທີ່ມີໃນສະຫວັນ. ໂດຍສະເພາະ ຜ່ານລະບົບຄອບຄົວແຜ່ນດິນໂລກ,
ພະເຈົ້າໄດ້ຊົງໃຫ້ພວກເຮົາຮູ້ກ່ຽວກັບ ລະບົບຄອບຄົວແຫ່ງສະຫວັນ,
ແລະຊົງໃຫ້ພວກເຮົາຮູ້ຈັກວ່າ ພຽງແຕ່ໂດຍຜ່ານພະກາຍ ແລະ ພະໂລຫິດຂອງພະເຈົ້າ
ທີ່ຖືກມອບໃຫ້ໂດຍຜ່ານເຂົ້າຈີ່ ແລະ ເຫຼົ້າອະງຸ່ນແຫ່ງປັດສະຄາເທົ່ານັ້ນ
ພວກເຮົາຈຶ່ງຈະສາມາດກາຍເປັນ ບັນດາລູກທີ່ແທ້ຈິງຂອງພະເຈົ້າໄດ້.
(ລະບົບຄອບຄົວແຫ່ງສະຫວັນ ປະກອບດ້ວຍ ພະບິດາ, ພະມານດາ ແລະ ບັນດາລູກໆ)

ດັ່ງທີ່ພະເຈົ້າໄດ້ຊົງປະທານສະຕິປັນຍາແກ່ໂຊໂລໂມນ
ໃນການໄຈ້ແຍກວ່າ ແມ່ທີ່ແທ້ຈິງແມ່ນໃຜ,
ປັດຈຸບັນນີ້ ບັນດາຜູ້ເຊື່ອຖືທີ່ບໍລິສຸດໃນຄິດສະຕະຈັກຂອງພະເຈົ້າ
ໄດ້ຮັບສະຕິປັນຍາໂດຍຜ່ານພະຄໍາໃນພະຄໍາພີ
ແລະໄດ້ຮັບພະພອນໃນການເຂົ້າມາສູ່ ພະເຈົ້າພະມານດາ.