సత్యము మరియు అసత్యమునకు మధ్యన భేదమెంచుదాం

నిజమైన దేవుని యొద్దకు రావటానికి, మనం
మనుష్యుల మాటలను కాక పరిశుద్ధగ్రంథపు వాక్యములను నమ్మవలెను.

ఎందుకనగా అనేక అబద్ధ క్రీస్తులు మరియు అబద్ధ బోధనలతో నిండిన
ఈ యుగంలో, దేవుని వాక్యం ద్వారా మాత్రమే మనం సత్యము మరియు
అసత్యమునకు మధ్యన భేదమెంచగలము.

లేఖనములయందు మీకు నిత్యజీవము కలదని
తలంచుచు వాటిని పరిశోధించుచున్నారు,
అవే నన్నుగూర్చి సాక్ష్యమిచ్చుచున్నవి. యోహాను 5:39

తాను దేవుడైన యేసును సరిగ్గా గ్రహించినపుడు పరలోక రాజ్యము
యొక్క తాళపు చెవులను పొందుకున్న పేతురు వలె,
పరిశుద్ధాత్మ యొక్క యుగంలో వచ్చిన తండ్రియైన దేవుడు మరియు తల్లియైన దేవుడిని మనం సరిగ్గా గ్రహించునపుడు,
మనం పరలోకపు గొప్ప ఆశీర్వాదాలను పొందుకోగలము.

పరిశుద్ధగ్రంథము యొక్క సత్యమనగా తల్లియైన దేవుని యందు విశ్వాసముంచుట

భూమియందున్నవి పరలోకమందున్న వాటికి ఛాయ మరియు మాదిరి వంటిదని
వ్రాయబడెను. ప్రత్యేకంగా భూలోక కుటుంబ వ్యవస్థ ద్వారా, దేవుడు మనకు పరలోక
కుటుంబ వ్యవస్థ గురించి మేల్కొల్పారు మరియు పస్కా రొట్టె మరియు ద్రాక్షారసం ద్వారా
ఇవ్వబడే దేవుని యొక్క శరీరము మరియు రక్తం ద్వారా మాత్రమే మనం దేవుని
యొక్క నిజమైన పిల్లలుగా మారగలమని మనకు తెలియజేశారు.
(పరలోక కుటుంబ వ్యవస్థ తండ్రి, తల్లి, మరియు పిల్లలను కలిగియున్నది)

నిజమైన తల్లి ఎవరో గుర్తించుటకు దేవుడు సొలోమోనకు
జ్ఞానము అనుగ్రహించినట్లుగానే, ఈరోజులలో దేవుని సంఘము
యొక్క పరిశుద్ధులకు పరిశుద్ధగ్రంథము యొక్క వాక్యముల ద్వారా
జ్ఞానము ఇవ్వబడెను మరియు తల్లియైన దేవుని వద్దకు వచ్చేలా దీవించబడ్డారు.