Ka Jingkyrkhu U Blei ha ka Sngi Sabbaton Ⅰ

Lada Kam Pher La ka Sabbaton La Rakhe ha Kano Kano ka Sngi, Balei U Blei U Hukum ia Ngi ban Kynmaw ia ka Sngi Sabbaton?

Ka sngi ban mane ia U Blei ka dei ka sngi bahynniew ka Sabbaton, kaba dei ka sngi Saitjain napdeng ki sngi jong ka taiew. Ka Sabbaton ka dei ka sngi kyntang kaba la kular da ki jingkyrkhu, bad ka sngi ban ithuh ia ngi kum ki briew U Blei. Kum kaba saw na ki Shiphew Hukum, ka dei ka sngi mane kaba u bynriew u dei ban rakhe. Dei namar kata U Jisu, U Khrist Ahnsahnghong, bad Ka Blei Ka Kmie ki ai ia ka rukom ban rakhe ia ka Sabbaton.

Ka Balang U Blei World Mission Society ka Rakhe ia ka Sabbaton ha ka Sngi Saitjain Katba Kum ka Baibl

Balei U Blei u kyntait ia ka jingainguh jong U Kain bad pdiang tang ia ka jingainguh jong U Abel? Balei U Blei u pynjot ia ki khun shynrang U Aaron U Nadab bad U Abihu kiba long ki lyngdoh, kiba la khot ki pastor ha kine ki sngi? K dei namar ki la leh katba kum ki jingmut lajong hi bad kim kohnguh ia ki ktien U Blei. Ha kajuh ka rukom, kaba mane ia U Blei da kaba rakhe ia ka Sabbaton katba kum ka mon U Blei ka dei u shabi bamaian sha ki jingkyrkhu.

Bad U Blei u la kyrkhu ia kata kaba hynniew ka sngi, bad u la kyntang khuid ia ka . . .
Jenesis 2:3

“Kynmaw ia ka sngi sabbaton, ban rakhe khuid ia ka.”
Eksodos 20:8

U la wan ruh ha Nasaret, ha kaba la pynsan pynrangbah ia u: te u la leit rung, kumba u ju leh, ha ka sngi sabbaton ha ka synagog, bad u la ieng joit ban pule.
Loukas 4:16