ພະພອນຂອງພະເຈົ້າໃນມື້ພະ Ⅰ

[ຖ້າບໍ່ສໍາຄັນວ່າ ຈະປະຕິບັດຕາມມື້ພະ ໃນມື້ໃດ ແລ້ວເປັນຫຍັງພະເຈົ້າຈຶ່ງຊົງສັ່ງໃຫ້ພວກເຮົາ
ຈື່ຈໍາມື້ທີເຈັດ?]

ມື້ທີ່ຈະນະມັດສະການພະເຈົ້າແມ່ນມື້ພະ ມື້ທີເຈັດ ເຊິ່ງແມ່ນວັນເສົາ ໃນທ່າມກາງມື້ຕ່າງໆຂອງອາທິດ.
ມື້ພະແມ່ນມື້ທີ່ບໍລິສຸດສັກສິດ ທີ່ຖືກສັນຍາໄວ້ດ້ວຍພະພອນ ແລະ ເປັນມື້ທີ່ພວກເຮົາຈະຖືກຍອມຮັບວ່າ
ເປັນປະຊາຊົນຂອງພະເຈົ້າ. ເປັນຂໍ້ຄໍາສັ່ງຂໍ້ທີສີ່ຂອງຄໍາສັ່ງສິບຂໍ້ຂອງພະເຈົ້າ,
ເປັນມື້ນະມັດສະການທີ່ມະນຸດຕ້ອງປະຕິບັດຕາມ. ນັ້ນແມ່ນເຫດຜົນທີ່ພະເຢຊູ, ພະອັນຊັງໂຮງ ແລະ
ພະມານດາ ໄດ້ຊົງວາງແບບຢ່າງໃນການປະຕິບັດຕາມມື້ພະ.

[ຄິດສະຕະຈັກຂອງພະເຈົ້າປະຕິບັດຕາມມື້ພະ ໃນວັນເສົາ ຕາມພະຄໍາພີ]

ເປັນຫຍັງພະເຈົ້າຈຶ່ງໄດ້ຊົງປະຕິເສດເຄື່ອງຖວາຍຂອງກາອິນ ແລະ ຍອມຮັບພຽງແຕ່
ເຄື່ອງຖວາຍຂອງອາເບັນ? ເປັນຫຍັງພະເຈົ້າຈຶ່ງໄດ້ຊົງທໍາລາຍນາດາບ ແລະ ອາບີຮູ
ລູກຊາຍຂອງອາໂລນ ຜູ້ທີ່ເປັນປະໂລຫິດ ເຊິ່ງ​ເປັນ​ສາສະໜາຈານ ​ຕາມ​ມາດຕະຖານ​ຂອງ​ທຸກ​ມື້​ນີ້?
ນັ້ນກໍເພາະວ່າ ພວກເຂົາໄດ້ກະທໍາຕາມຄວາມຄິດຂອງຕົນເອງ ແລະ ບໍ່ໄດ້ເຊື່ອຟັງພະຄໍາຂອງພະເຈົ້າ.
ກໍເຊັ່ນດຽວກັນ, ການນະມັດສະການພະເຈົ້າ ໂດຍການປະຕິບັດຕາມພະປະສົງຂອງພະເຈົ້ານັ້ນ
ແມ່ນຄວາມລັບທີ່ສໍາຄັນສູ່ພະພອນ.

ພະອົງອວຍພອນມື້ທີເຈັດ ແລະ ຕັ້ງໄວ້ໃຫ້ເປັນມື້ສັກສັກບໍລິສຸດ...
[RLV, ປະຖົມມະການ 2:3]

“(ຈົ່ງຈື່ຈໍາມື້ພະ, NIV) ແລະ ຍຶດຖືໄວ້ເປັນມື້ສັກສິດ.”

[ອົບພະຍົບ 20:8]

ແລ້ວພະເຢຊູກໍໄດ້ໄປຍັງນາສາເຫຼັດ ເມືອງທີ່ພະອົງໄດ້ຈະເລີນເຕີບໂຕໃຫຍ່ຂຶ້ນນັ້ນ
ແລະ ໃນມື້ພະ ພະອົງໄດ້ໄປຍັງສາລາທໍາຕາມທໍານຽມ. ພະອົງໄດ້ຢືນຂຶ້ນ
ເພື່ອຈະອ່ານພະຄໍາພີ.
[ລູກາ 4:16]