Ang Pagpapala ng Diyos at ang Araw ng Sabbath Ⅰ

Kung Hindi Mahalaga ang Araw, Bakit Iniutos ng Diyos sa Atin na Alalahanin ang “Ikapitong Araw”?

Ang araw para sambahin ang Diyos ay ang ikapitong araw, ang Sabbath, at ito ay Sabado sa mga araw ng sanlinggo. Ang Sabbath ay isang banal na araw na may pangako ng mga pagpapala, isang araw para makilala tayo bilang bayan ng Diyos, at isang araw ng pagsamba na dapat na ipangilin ng sangkatauhan bilang ang ikaapat sa Sampung Utos. Kaya nagbigay ng halimbawa ng pangingilin ng Sabbath si Jesus, si Cristo Ahnsahnghong, at ang Diyos Ina.

Ipinapangilin ng World Mission Society Church of God ang Sabbath (Sabado) Alinsunod sa Biblia

Bakit tinanggihan ng Diyos ang handog ni Cain at tinanggap lang ang handog ni Abel? Bakit winasak ng Diyos ang mga anak ni Aaron na sina Nadab and Abihu na mga pari, na gaya ng mga pastor sa mga araw ngayon? Ito ay dahil kumilos sila ayon sa sarili nilang mga pag-iisip at hindi sumunod sa mga salita ng Diyos. Gayundin, ang pagsamba sa Diyos sa pangingilin ng Sabbath ayon sa kalooban ng Diyos ay ang lihim sa mga pagpapala.

At binasbasan ng Diyos ang ikapitong araw at kanyang ginawang banal
Genesis 2:3

“Alalahanin mo ang araw ng Sabbath, upang ingatan itong banal.”
Exodus 20:8

Dumating siya sa Nazaret na kanyang nilakhan. Siya’y pumasok sa sinagoga nang araw ng
Sabbath, tulad ng kanyang nakaugalian at tumindig siya upang bumasa
Luke 4:16