Na Lagilagi ni Matanitu Vakalomalagi.

E Sega ni Dua na Tamata e Vakarautaka Rawa na Ka sa Vakarautaka na Kalou vei ira na Luvena

A yaco na iApositolo o Paula me dua na parofita levu baleta ni a vakadinadinataka na lagilagi ni ikatolu ni lomalagi. Ena loma ni vuravura rabailevu ka sega ni vakasamataka rawa na kawatamata, sa vakarautaka tu kina na Kalou e dua na veisiga ni mataka lagilagi me baleti keda. Oqo na vuna e kacivi keda kina o Koya me rabailevu cake na noda rai, me da kakua ni vakanamata ki vuravura, ia ki na lomalagi kei na vuravura—oya na matanitu vakalomalagi.

A Lako Mai o Karisito Ahnsahnghong kei na Kalou na Tinada me Dolava na Matada me da Raica na Matanitu Vakalomalagi

E dodonu me da vorata na veika dredre nikua ena noda vakanamata ki na lagilagi ni matanitu vakalomalagi kei na veisiga ni mataka serau e waraki keda tu kina. Kevaka eda sega ni vakabauta na matanitu vakalomalagi, ena yaco me yali na noda vakabauta ena maliwa ni rarawa vakalekaleka ka biuta laivi na dina. Ia, kevaka eda kila vakaidina na matanitu vakalomalagi, ena tubu cake na noda vakabauta ena veisiga, ka rawa kina vei keda me da vakaivotavota ena kena lagilagi.

Me lewai keda na noda i tovo vakayago sa kena i tinitini na mate; ia me lewai keda na Yalo Tabu sa kena i tinitini na bula kei na vakacegu. Roma 8:6

Ni sai koya na noda vakanuinui oqo eda sa vakabulai kina. Ia kevaka eda sa raica rawa tiko na ka eda nuitaka tiko, sa qai sega tale ni okati oqori me i nuinui dina. Se o cei mada e dau nuitaka me yaco e dua na ka sa raica rawa tiko? Ia kevaka eda vakanuinui tiko ki na veika eda se sega mada ni raica, eda na waraka ga ena vosota. Roma 8:24–25