Surimung Kaitorni Phanni Manwi

Sagrirok Bahai Khe Chuknoha-o Kasaui Thángmani
Salni Bising Tẃi Kaitorni Phanno Chumnai Buchiui Man Kha.

Tháistwi Hátháini Jisuno Chuknoha-o kasaui thángmani
nuknai a sagrirok Kaitorni Phola Kwthar bai khe
chum yak he a kothoma kaham swngchar gwnangwi
pírjagwi man ya hwnwi buchi kha. Hakhe, bόrok
khá bai khuk bai khe sal chi romwi Chuknoha-o Kasaui Thángmani
Salni simi Pentikost-ni Sal jora ulni uatwini Phola Kwthar
sanwi suri lai kha.

Kaitorni Mothani Adongrok Tamni Bagwi
Chuknoha-o Kasaui Thángmani Salni Simi
Pentikost-ni Sal jora Khá bai Khuk bai khe
Suri san lai?

Elia 850 phatra diyarirokno Karmel Háthái-o mechen phuru, surimung se
kwplai snammo. Jisu, Khristo Ahnsahnghong, tei Ama Kaitor, o ha-o bororokni
mwthangmungni bagwi phainai, Bόrokni kothoma kahamni samungno
aichukni surimung bai khe sal brúmno phunukmari phunuk kha.
Aboni bagwino, Kaitorni Mothani adongrokbo, haino, bόrokni
salno pholani phan yachagwi surimung bai khe cheng lai-o.

“San di, hakhe norok mannai; naituk di, hakhe norok nuknai;
dugar bu di, hakhe norok phiyogwi rwjaknai.
Tamni hwn khe sannai borok bo mano, naituknai borok bo nugo,
dugar bunai borok bo phiyogwi rwjago.
Mathai 7:7-8

“Aboni bagwino ang norokno o kók sa-o, norok suri sanwi
mungsa swk san khe abono man kha hwnwi poito khlai di,
hakhe norok sanmano mannai.”
Mark 11:24