O se Meafaigaluega o le Mana o le Atua, Tatalo

Na iloa e le au soo le auala e faaofuina ai le mana
o le Atua i le aso o le afio a'e

Na iloa e le au soo, o e na molimauina le afio a’e
o Iesu mai le Mauga o Olive, a aunoa ma le faaofuina
i le Agaga Paia o le Atua, e le mafai ona folafola atu le
talalelei i le lalolagi atoa.
O lea, na latou tatalo faatauanau ai mo aso e sefulu
mai le Aso o le A'e i le lagi seia oo i le Aso Penetekoso,
ma ole atu mo le Agaga Paia o le timu muamua.

Aisea e Tatalo ai ma le Lototele Tagata o le Ekalesia a
le Atua Mai le Aso o le Afio A'e i le Aso Penetekoso?

Ina ua faatoilaloina e Elia perofeta pepelo e 850 i
luga o le mauga o Karamelu, sa muamua atu le
tatalo i le manumalo.
O Iesu, Keriso Ahnsahnghong, ma le Atua le Tina,
o e na afio mai i lenei lalolagi mo le faaolataga o
tagata, na faia se faataitaiga e ala i le amataina o le
La galuega o le talalelei i tatalo i le vaveao i aso uma.
O le mea lea, o tagata foi o le Ekalesia a le Atua, e
amata o latou aso, maua le malosi faaleagaga e ala i le tatalo.

Ia outou ole atu, ona foaiina mai ai lea ia te outou; ia outou
saili, ona outou maua ai lea; ia outou tu‘itu‘i atu, ona toina ai lea ia te outou.
Auā ai se ole atu, e maua e ia; o lē saili foi, e iloa e ia;
e toina foi i lē tu‘itu‘i atu.
Mataio 7:7–8

O le mea lea ou te fai atu ai ia te outou, o mea uma lava tou te
ole mai ai i a outou tatalo, ina faatuatua ia o le a maua e outou,
ona faia lava lea mo outou.
Mareko 11:24