O le Tausamiga o Fale Apitaga& Galuega o le Malumalu

O le Tausamiga o Fale Apitaga na amata i le Fausiaina o le Falefetafai e Teu ai Tulafono Lona Lua e Sefulu i le Feagaiga Tuai

Na poloaiina e le Atua Mose e fausia le fale fetafai e teu ai Tulafono lona lua e Sefulu. Ina ua iloa e tagata la latou agasala lea na iu ai i le solia o Tulafono muamua e Sefulu, sa latou salamo ma aumai ma le naunautai taulaga mo le fale fetafai. Na avea lea ma tupuga o le Tausamiga o Fale Apitaga. Mulimuli ane, ona latou fausia lea o fale apitaga i le lotoā o le malumalu po o luga o le taualuga o le malumalu e ala i le faaaogāina o lālā laʻau eseese.

O le a le Misiona e Tatau Ona Tatou Faataunuuina i Lenei Vaitaimi, le Vaitaimi o le Tausamiga o Fale Apitaga?

O le Tausamiga o Fale Apitaga o le aso lea e faapotopoto ai e Keriso Ahnsahnghong ma le Atua le Tinā o Laua tagata uma. E tatau i tagata ona avatu le faafetai i le Atua o lē ua faamagaloina i latou ma lavea’iina i latou mai a latou agasala. Ma e ala i le Agaga Paia o le uaga mulimuli na latou mauaina, e tatau ai ona latou maua tagata uma o le aiga faalelagi i le lalolagi atoa o taulaga ia mo le Malumalu faalelagi o Ierusalema.

Lenei la, o loo faapea ona fetalai mai o Ieova, le Atua o ‘au, “…Ua outou fai mai lenei upu, faauta mai, o le mea lea ou te fai ai a‘u upu i lou gutu ma afi, e fai foi lenei nuu ma fafie, e susunuina lava i latou.”
Ieremia 5:14

Ua faatatauina ia te ia le fale atoa, o loo alu ae, ina ia fai ma malumalu paia i le Alii; o outou foi ua atiina ae faatasi outou ia te ia e le Agaga, e fai ma afioaga o le Atua.
Efeso 2:21–22