Swmai Kwchamo Uáinwini Dagimung Kaichino Tonnani Bagwi Kainok Tangmani Bai Kainok Ter Chengjak KHa
Uáinwini Dagimung Kaichirokno tonnani bagwi kainok tang di hwnwi Kaitor Musino dagi kha. Bórokni sumsokni bagwi puilani Dagimung Kaichirok swbaijak mano bororok buchi phuru, bórok sumsok yakar kha tei kainokni bagwi manwirok tubu kha. Omono Kainok Terni yaphang wng kha.
Aboni yagulo, bórok bebak potni buphang bedekrok bai khe noktharni nokhla tei núkhúng saka-o ríni nok tang lai kha.
O Mol, Kainok Terni Molo, Chwng Bo Samungno Khlai nani nangnai?
Kainok Ter wng kha Khristo Ahnsahnghong tei Ama Kaitor, Bórokni bebak bororokno thansa khe thummani sal se. Borok bosongrok, bórokni sumsokni nakarmani bagwi tei mwthangmani bagwi Kaitorno hambai rw nani nangnai. Tei bórok man mani ulni uatwini Phola Kwtharni bising tẃi, swngchar gwnangwini chuknohani núkhungni adongrok, a chuknohani Jerusalem Noktharni manwirok, bebakno bórok naituk nani nangnai.
Aboni bagwino Subraiyung Kaitor hai hwnwi sa-o, “. . . tabuk ang ani kókrokno nini khugo hór hai khe rw kha,” tei o bororokno buphang hai khe sógwi pái rwui rwnai.
Jirimia 5:14
Bo se nokno bebak kwcha rwui tonnai, phiya abono Subraini thani nok kwthar snamwi tonnai. Bo bai thansa wngwi norokbo tei bebak bai baksa nok snamwi tisajago, aro Kaitor bini Pholani bising tẃi tongo.
Epis 2:21-22
- আগের তারিখ
- 2022. 10. 07
- সহানুভূতি
- 5
