Tumungno Chwng Chuknoha-o Sumsok Khlainairok
tei Morke-o Thángnani bagwi Chongjak Bororokni bagwi
Kaitor Songchamani Dagimungrokno Tẃi ya hwn khe Tamo Wngnai?
Kaitor bororokno, chuknoha-o sumsok khlainairokno
tei khárjaknai kamiyung, o Ha-o khiklai rohorjaknairokno,
Bini dagimungrokni bising tẃi khe, sumsok nakarjakmung
yachaknani tei chuknoha-o kiphiliwi thángnani sep rw kha.
Tei baisa phaising, swmaino swbainairok tei abóno sak nang
ya wngnairokni saka-o Kaitorni buj thumjakmani phainia.
Kaitorni Motha Khristo Ahnsahnghong
Phrwngma hai kheno Langmani Kerong,
Swmai Kwtalni Yókma Terno Tẃi-o
Bórokni sumsokni bagwi thwinani bagwi
chongjak bororok, Kaitorni khairokmungni
bising tẃi simi se, thwi phlai ya
langmano yachagwi mannai.
Kaitor bororokno Phani molo, Sajlani molo,
tei Phola Kwtharni molo, langmani lamano
phrwng phuru, Bini kókthairokno poito khlai khe
tei Siyonno phaiwi langmani Yókma Terno tẃi
khe mwthangjaknai, phiya ba Bini kókthairokno
poito khlai ya hwn khe tei abórokno tẃi
ya khe páithago yagul sujaknai.
Sumsok khlai khe ma thwinai, tamo
khe Kaitor hai’-no rwmani abo wng kha
chini Subrai Khristo Jisu bai thansa wngma
bising tẃi chwngno mwthang phlainai.
Rum 6:23
Oro’-no Kaitorni bororok khá lokna nango,
Kaitor dagima tẃi tongnairok, phiya
Jisuno yakar yarok khá lokna nango.
Phunukjakmani 14:12
- আগের তারিখ
- 2024. 08. 16
- সহানুভূতি
- 0
