Baibel Kaitorni Kubui Bororok Sabo Hwnwi Sa?
Motha-o panda manjakma bai simino, Kaitoni kubui borok
wngo hwnwi kwbángma bororok poito khlai lai-o.
Hai phano, Kaitorni langmani kerong bai, Bó kubui borok
tei phatra borokni bisingno pherlaimungno saui mano.
Kaitorni kubui bororok, chuknohani bororok,
Snamnaisani phanno muitu khlai mani sal, Sabat salno tẃi lai nani nangnai;
tei Phiyóknaisani phanno muitu khlaiwi tẃijaknai YókmaTerno tẃi lai nani nangnai.
Church of God ni Adongrok Kaitorni Kubui Bororok Hwnwni Phunuk Mari Tamo?
Solomom, simungni habygra,
soi-soi khum tei nokli khumni pherlaimungno siniwi
nanani bagwi piyarokno tei larimarokno samungo phwnang mani hai kheno,
Kaitor Bini kubui bororokno Bini dagimungrokni bising tẃi siniwi na-o.
Tini, swngcharni lekha bai ya bororok Kaitorni dagimungrokno
tẃi lai-o—Kaitorni bororokni mari—Khristo Ahnsahnghong
tei Ama Kaitor ni bising tẃi songcha phi jak kha.
Ang swkang’-no norokno o kók kwbángma sa kha,
tabuk khe ang omono haino hai kap twtwi sa phiro:
tongmungni jarwi Khristoni krusni kena ari wng kha abo
tẃi borok kwbángma se. Bórok gaijana kasu kha, tamni hwn
khe sak muchungmani abo se bórokni mwtai, lachimasingcha
samungno tẃiwi se bórok kung chugo, phiya o swngcharni kók
simi se bórok uansugo. Chwng khe chuknohani borok wng kha,
Philipi 3:18-20
Nwng a lenglama salo ma lenglanai abo wng kha nini bagwi kwthar,
khoroksa swk a salo lengla ya hwn khe bo butharjaknai.
Khoroksa swk samung tang khebo bo bini bororok bai swkakjaknai.”
Lam Rwma 31:14
- আগের তারিখ
- 2024. 04. 26
- সহানুভূতি
- 0
