Mano Ba Dei Ki Briew Bashisha U Blei?

Iano ka Baibl ka Pynbna kum ki Briew Bashisha U Blei?

Shibun ki briew ki ngeit ba tang kaba shu leit sha ïingmane, ki la long ki briew bashisha U Blei.
Hynrei, bad ka hukum ka jingim U Blei, U pyniapher hapdeng ki briew bashisha bad kita kiba lamler.
Ki briew bashisha U Blei, kiba bat ia ka jinglong traishnong ha bneng, ki dei ban rakhe
ia ka sngi Sabbaton, kaba kynmaw ia ka bor jong U Nongthaw,
bad Ka Niam ka Jinglait, kaba kynmaw ia ka bor jong U Nongsiewspah.

Kaei ka Dak Kaba Pyni Ba ki Dkhot jong ka Balang U Blei ki Long ki Briew Bashisha U Blei?

Kumba u Solomon, u syiem jong ka jingstad, u la pyndonkam ia ki ngap bad ki thapbalieh
ban pyniapher ia u syntiew baim na u syntiew kai,
U Blei u pyniapher ia ki briew bashisha jong U lyngba ki hukum jong U
kum ka sngi Sabbaton bad Ka Niam ka Jinglait.
Mynta, ki dkhot kibym lah ñiew kylleng ka pyrthei ki sumar ia ki hukum U Blei, ka dak jong ki briew U Blei, ba la pynioh pat lyngba ki jinghikai jong U Khrist Ahnsahnghong bad Ka Blei Ka Kmie.

Namar shibun ki iaid, shaphang kiba nga ju iathuh ha phi, bad mynta ruh nga iathuh da kaba iam kein,
ba ki long ki nongshun jong ka diengphna U Khrist: kiba kaba kut jong ki long ka jingjot,
kiba u blei jong ki long ka kpoh, bad ka burom jong ki long ha ka jinglehrain jong ki,
kiba iaimut brai ia kiei kiei ruh kiba ha ka khyndew.
Namar kata ka jinglong traishnong jong ngi ka long ha bneng . . .
Sha Ki Philipi 3:18–20

Namar kata to sumar ia ka sabbaton; naba ka long kaba khuid ia phi:
jar uba pyntngit ia ka ka dei shisha ban pyniap noh ia u;
naba uno uno ruh uba trei jingtrei ha ka, ia kata ka mynsiem yn ot noh keiñ napdeng u paidlang jong u.
Eksodos 31:14