Adam bai Ebi kaham hamya si rw nai buphangni bwtháino cháui thwi mani kόk; yagra bwkhakni dakait mwthangjakmano; a khoroknwi phola hamrwjakmano; bisi chinwi romwi rí-súma thak ya bwrwima hamrwjakmano; tei Yόkma Terni auang tei angur bwtwi-o manjagwi Jisuni bahan chánai tei Bini thẃi nungmani bising tẃi thwiphlai ya langmani sokat manmani kubuino nai khe chwng Kaitorni kόkni phanno nugwi manno.
Sajlani molo, Kainok Terni Páithak tei Kotorkhuk Salo, Jisuni thani phainairokno Bό saichungno thwiphlai ya langma rw kha. Phola Kwtharni molo, Phola tei Hamjwk Kwtal wngwi phai nai, Khristo Ahnsahnghong tei Ama Kaitorni aro phai rok mwthangnai twi no mannai, abo wng kha Phola Kwthar se. Kaitorni kόkni phan bai aborokni khlaiwi mannai wng kha bόrok simi se.
Ter páithakni sal, abo se jobor kotor. A salo Jisu bachaui hai hwnwi sotonwi sa kha, “Twi kangnai borok bo ani thani phaiwi nung phai thung. Elembago hai hwnwi sajakma hai, ‘Ano poito khlainai borok bini bisingni twi kwthangni twisa boui phainai.’ Jisu omo Pholani kók sama se; bono poito khlainairok se abono man anw. Aphuru phano Phola rwjak ya kho, tamni hwn khe Jisu chẃngsacha wng ya kho.
Johon 7:37-39
Phola bai Hamjwk kwtal “Phai di!” hwnwi sa-o. O kók khnanairok joto’-no “Phai di!” hwnwi ma sanai. O twi kangnai borok, phai di. O twi nungna muchungnai borok, mwthangnai twino ahai’-no nung phai di.
Phunukjakmani 22:17
১১৯ বুনদাং পোষ্ট অফিস বক্স, বুনদাং-গু, সিয়ংনাম-সি, গিয়ংগি-দো, কোরিয়া প্রজাতন্ত্র
Tel 031-738-5999 Fax 031-738-5998
প্রধান চার্চ: ৫০, সুনয়ে-রো, বুনদাং-গু, সিয়ংনাম-সি, গিয়ংগি-দো, কোরিয়া প্রজাতন্ত্র
প্রধান চার্চ: ৩৫, পাংগিয়োইয়ক-রো, বুনদাং-গু, সিয়ংনাম-সি, গিয়ংগি-দো, কোরিয়া প্রজাতন্ত্র
©বিশ্ব সুসমাচার প্রচার সংস্থা ঈশ্বরের মণ্ডলী। সমস্ত অধিকার সংরক্ষিত গোপনীয়তা নীতি