ເທດສະການປຸກຕູບຢູ່ ແລະ ນໍ້າພຸແຫ່ງຊີວິດ

[ນໍ້າພຸແຫ່ງຊີວິດທີ່ຊົງປະທານໃຫ້ ໃນເທດສະການປຸກຕູບຢູ່ ແມ່ນພະຄໍາຂອງພະເຈົ້າ]

ພວກເຮົາ​ສາມາດ​ເຫັນ​ລິດອໍານາດແຫ່ງ​ພະຄຳ​ຂອງ​ພະ​ເຈົ້າ ເມື່ອ​ອາດາມ ​ແລະ ​ເອວາໄດ້​ຕາຍ​ໂດຍ​ການ​ກິນໝາກໄມ້​ຈາກ​ຕົ້ນ​ໄມ້ທີ່ໃຫ້ຮູ້ຈັກດີ​ແລະ​ຮູ້ຈັກຊົ່ວ; ເມື່ອໂຈນທີ່ຢູ່ເບື້ອງຂວາຂອງໄມ້ກາງແຂນໄດ້ຮັບຄວາມພົ້ນ; ເມື່ອຊາຍຕາບອດສອງຄົນໄດ້ຮັບການປິ່ນປົວໃຫ້ຫາຍດີ; ເມື່ອ​ຍິງ​ຜູ້ທີ່ທົນທຸກຈາກພະຍາດເລືອດຕົກ​ເຖິງ​ສິບ​ສອງ​ປີ ​ໄດ້​ຮັບ​ການ​ປິ່ນ​ປົວໃຫ້ຫາຍດີ​ ແລະ ໂດຍຜ່ານ​ຄວາມ​ຈິງ​ທີ່​ວ່າ ຜູ້​ທີ່ກິນ​ເນື້ອກາຍ​ຂອງ​ພະ​ເຢ​ຊູ ​ແລະ ​ດື່ມ​ເລືອດ​ຂອງ​ພະ​ອົງ​ ໂດຍ​ການມີສ່ວນ​ຮ່ວມໃນ​ເຂົ້າ​ຈີ່ ​ແລະ ​ເຫຼົ້າ​ອະງຸ່ນ​ປັດ​ສະ​ຄາ​ ຈະ​ໄດ້​ຮັບ​ຂອງ​ຂັວນ​ແຫ່ງ​ຊີ​ວິດອັນຕະຫຼອດໄປເປັນນິດ.

[ເພື່ອ​ຈະ​ໄດ້​ຮັບ​ພະ​ວິນ​ຍານ​ບໍ​ລິ​ສຸດແຫ່ງ​ຝົນ​ປາຍລະດູ, ພວກ​ເຮົາ​ຕ້ອງ​ຮູ້​ຈັກ​ພະ​ວິນ​ຍານ ​ແລະ​ ເຈົ້າ​ສາວ​ ຜູ້​ຊົງປະທານນໍ້າ​ແຫ່ງ​ຊີ​ວິດແກ່ພວກ​ເຮົາ.]

ໃນສະໄໝພະບຸດ, ພະເຢຊູ ໄດ້ຊົງປະທານນໍ້າແຫ່ງຊີວິດພຽງລໍາພັງ ແກ່ຜູ້ທີ່ມາຫາພະອົງ ໃນມື້ສຸດທ້າຍອັນເປັນມື້ສໍາຄັນທີ່ສຸດຂອງເທດສະການປຸກຕູບຢູ່. ໃນສະໄໝພະວິນຍານບໍລິສຸດ ຜູ້ທີ່ມາຫາພະຄິດອັນຊັງໂຮງ ແລະ ພະເຈົ້າພະມານດາ ຜູ້ຊົງສະເດັດມາເປັນພະວິນຍານ ແລະ ເຈົ້າສາວນັ້ນຈະໄດ້ຮັບນໍ້າພຸແຫ່ງຊີວິດ ນັ້ນແມ່ນພະວິນຍານບໍລິສຸດ. ພວກ​ເຂົາ​ແມ່ນ​ຜູ້​ທີ່​ສາ​ມາດ​ເຮັດ​ໃຫ້​ທຸກ​ສິ່ງ​ສໍາ​ເລັດໄດ້ ​ໂດຍ​ລິດອໍາ​ນາດ​ແຫ່ງ​ພະ​ຄໍາ​ຂອງ​ພະ​ເຈົ້າ.

ໃນມື້ສຸດທ້າຍ ອັນເປັນມື້ສໍາຄັນທີ່ສຸດຂອງເທດສະການ ພະເຢຊູໄດ້ຢືນຂຶ້ນ ແລະ ຮ້ອງດັງໆວ່າ “ຜູ້ໃດກໍຕາມທີ່ຫິວນໍ້າໃຫ້ມາຫາເຮົາ ແລະ ດື່ມ. ດັ່ງທີ່ມີຂຽນໄວ້ໃນພະຄໍາພີວ່າ ‘ຜູ້ໃດກໍຕາມທີ່ເຊື່ອໃນເຮົາ ສາຍນໍ້າແຫ່ງຊີວິດຈະໄຫຼອອກຈາກຜູ້ນັ້ນ.’” ສິ່ງທີ່ພະເຢຊູໄດ້ກ່າວນັ້ນໝາຍເຖິງ ພະວິນຍານ ເຊິ່ງຜູ້ທີ່ເຊື່ອໃນພະອົງຈະໄດ້ຮັບ.
[ໂຢຮັນ 7:37-39]

ແລ້ວພະວິນຍານ ແລະ ເຈົ້າສາວກໍກ່າວວ່າ “ມາເທາະ!” ທຸກໆຄົນທີ່ຍິນເລື່ອງນີ້ກໍຕ້ອງເວົ້າຄືກັນວ່າ “ມາເທາະ!” ຈົ່ງມາເທາະ ຜູ້ໃດກໍຕາມທີ່ຫິວນໍ້າ; ຈົ່ງຮັບເອົານໍ້າແຫ່ງຊີວິດໄປດື່ມ ໂດຍບໍ່ຕ້ອງເສຍຄ່າ.
[ພະນິມິດ 22:17]