O le Tupuaga & Uiga o le Aso Togiola

Ua na o le Ekalesia a le Atua le Ekalesia e tausia le Aso o le Togiola, o le Tausamiga o le Fa'amagaloga o Agasala.

O le Aso o le Togiola o le aso sili lea e faamagaloina uma ai agasala a tagata ma ositaulaga. Na galo i le fanauga a Isaraelu le agalelei o le Atua ma agasala ai i le tapuai i se tupua, le tamai povi auro. O le mafuaaga lena na nutililii ai e Mose le seti muamua o Tulafono e Sefulu na tuuina mai e le Atua. Na salamo le fanauga a Isaraelu i a latou agasala ma tuuina atu e le Atua ia i latou le seti lona lua o Tulafono e Sefulu; o lenei aso na avea ma amataga o le Aso o le Togiola.

O Keriso Ahnsahnghong ma le Atua le Tinā, le Uiga Moni o le Malumalu ma le Taulaga mo le Togiola

I le Feagaiga Tuai, o agasala uma a Isaraelu na siitia atu mo sina taimi i le malumalu seia oo i le Aso o le Togiola. I le asō, o a tatou agasala uma ua siitia atu ia Keriso Ahnsahnghong ma le Atua le Tinā, o le uiga moni o le malumalu. O lea, i le Aso o le Togiola, ua tuuina atu ai a tatou agasala uma ia Satani, o lē na faapogaia le agasala. Mulimuli ane, o le a faamasinoina Satani i le to e lē gata, o seoli lea, ma o le taimi lena, o le a aveesea ai a tatou agasala uma.

Ua fetalai mai Ieova ia Mose, ua faapea mai, O le aso sefulu o lea lava fituga masina, o le aso o le togiola lea; o le faapotopotoga paia lea ia te outou; ia puapuagatia ai outou e outou, ma avatu ai se taulaga e fai i le afi ia Ieova.
Levitiko 23:26–27

O le taeao ua vaai atu ai Ioane ia Iesu o maliu mai ia te ia ona fai ane lea, Faauta i le Tamai mamoe a le Atua, na te aveesea le agasala a le lalolagi.
Ioane 1:29

O le tiapolo foi o le na faasese ia te i latou, ua lafoina o ia i le lepa afi ma le teio, o i ai le manu feai ma le perofeta pepelo; e puapuagaina ai i latou i le ao ma le po e faavavau faavavau lava.
Faaaliga 20:10