Ang Sinugdanan ug Kahulugan sa Adlaw sa Pagpapas sa Sala

Ang Church of God mao ang Bugtong Simbahan nga Nagtuman sa Adlaw sa Pagpapas sa Sala, ang Kasaulogan sa Kapasayloan sa mga Sala

Ang Adlaw sa Pagpapas sa Sala mao ang dakong adlaw nga ang tanang kasal-anan sa katawhan ug sa mga pari mapasaylo. Ang mga Israelita nakalimot sa grasya sa Dios ug nakasala pinaagi sa pagsimba sa diosdios, ang bulawan nga nating baka. Mao nga gibusdak ni Moises ang unang hugpong sa Napulo ka Sugo nga gihatag sa Dios. Ang mga Israelita naghinulsol sa ilang mga sala ug ang Dios naghatag kanila sa ikaduhang hugpong sa Napulo ka Sugo; kini nga adlaw nahimong sinugdanan sa Adlaw sa Pagpapas sa Sala.

Si Cristo Ahnsahnghong ug ang Dios nga Inahan, ang Kamatuoran sa Labing Balaang Dapit ug ang Sakripisyo alang sa Pagpapas sa Sala

Diha sa Karaang Kasabotan, ang tanang kasal-anan sa Israel temporaryong gibalhin ngadto sa Balaang Dapit hangtud sa Adlaw sa Pagpapas sa Sala. Karon, ang tanan natong kasal-anan nabalhin na ngadto kang Cristo Ahnsahnghong ug sa Dios nga Inahan, nga mao ang reyalidad sa Balaan ug Labing Balaang Dapit. Unya, sa Adlaw sa Pagpapas sa Sala, ang tanan natong kasal-anan mabalhin ngadto kang Satanas, nga mao ang sinugdanan sa sala. Sa ngadtongadto, si Satanas pagahukman sa kahiladman, nga mao, impiyerno, ug nianang panahona, ang tanang kasal-anan sa kataposan mahanaw.

Ang Ginoo miingon na usab kang Moises, “Ang ikanapulo nga adlaw niining ikapitong bulan mao ang adlaw sa pagpapas sa sala ug panahon kini nga himoon ninyo ang balaang panagtigom. Pagpuasa kamo ug paghalad kamog halad nga sunogon alang sa Ginoo.
Levitico 23:26–27

Sa pagkasunod adlaw, nakita ni Juan si Jesus nga nagpadulong kaniya ug siya miingon, “Anaa ang nating Karnero sa Dios nga nagwagtang sa sala sa kalibotan!
Juan 1:29

Ang Yawa nga naglimbong kanila gitambog usab ngadto sa linaw nga kalayo ug asupre diin gitambog ang mananap ug ang bakakong propeta. Didto sakiton sila adlaw ug gabii hangtod sa kahangtoran.
Gipadayag 20:10