Tshimoloho le Moelelo wa Letsatsi la Tefelo ya Sebe

Kereke ya Modimo ke yona Feela Kereke e Bolokang Letsatsi la Tefelo ya Sebe, Mokete wa Tshwarelo ya Dibe.

Letsatsi la Tefelo ya Sebe ke letsatsi le leholo leo ka lona dibe tsohle tsa batho le baprista di tshwarelwang. Baiseraele ba ile ba ebala mohau wa Modimo mme ba etsa sebe ka ho kgumamela setshwantsho se betlilweng, namane ya kgauta. Ke kahoo Moshe a ileng a pshatla tlhophiso ya pele ya Melao e Leshome e filweng ke Modimo. Baiseraele ba ile ba bakela dibe tsa bona mme Modimo a ba neha tlhophiso ya bobedi ya Melao e Leshome; letsatsi lena le bile tshimoloho ya Letsatsi la Tefelo ya Sebe.

Kreste Ahnsahnghong le Modimo Mme, Sebele sa Sehalalelo le Sehlabelo bakeng sa Tefelo ya Sebe.

Testamenteng ya Kgale, dibe tsohle tsa Iseraele di ne di fetisetswa ha nakwana sehalalelong ho fihlela ka Letsatsi la Tefelo ya Sebe. Kajeno, dibe tsohle tsa rona di fetiseditswe ho Kreste Ahnsahnghong le Modimo Mme, Bao e leng sebele sa sehalalelo. Ebe, ka Letsatsi la Tefelo ya Sebe, dibe tsohle tsa rona di fetisetswa ho Satane, eo e leng yena mohlodi wa sebe. Qetellong, Satane o tla ahloloa mohohlong, ke hore, dihele, mme ka nako eo, dibe tsohle di tla fela qetellong.

Morena a bua ho Moshe, a re: “Letsatsi la leshome la kgwedi ya bosupa, ke letsatsi la tefelo ya sebe, mme le tla ba le phutheho e halalelang. Le tla itima dijo, le etsetse Morena nyehelo ya setjheso.
Levitike 23:26–27

Ka la hosasane Johanne a bona Jesu a etla ho yena, mme a re: “Bonang Konyana ya Modimo e tlosang sebe sa lefatshe!
Johanne 1:29

Diabolosi, ya di kgelositseng, a akgelwa letsheng la mollo le sebabole, moo sebatana le moporofeta wa bohata ba leng teng. Ba tla hlokofatswa motsheare le bosiu, kamehla le mehla.
Tshenolo 20:10