ສິດອໍານາດແຫ່ງລູກຂອງພະເຈົ້າ ແລະ ປັດສະຄາ

[ພະປະສົງຂອງພະເຈົ້າ ທີ່ຊົງອະນຸຍາດໃຫ້ມີປັດສະຄາ ໃນເດືອນທີ 1 ແລະ ປັດສະຄາ ໃນເດືອນທີ 2]

ປັດສະຄາ ແມ່ນເຄື່ອງໝາຍແຫ່ງຄວາມພົ້ນ ເຊິ່ງພວກເຮົາສາມາດຫຼົບໜີຈາກໄພພິບັດ ແລະ ໄດ້ຮັບອະໄພການບາບ ແລະ ມີຊີວິດນິລັນໄດ້. ນັ້ນແມ່ນເທດສະການທີ່ສໍາຄັນດັ່ງເຊັ່ນນັ້ນ ທີ່ພະເຈົ້າໄດ້ຊົງໃຫ້ໂອກາດ ໃນການປະຕິບັດຕາມອີກເທື່ອໜຶ່ງ ແກ່ບັນດາຜູ້ທີ່ບໍ່ໄດ້ປະຕິບັດຕາມ ປັດສະຄາ ໃນເດືອນທີ 1 ຍ້ອນເຫດຜົນທີ່ຫຼີກລ່ຽງບໍ່ໄດ້.

[ບັນດາຜູ້ເຊື່ອຖື ຂອງຄິດສະຕະຈັກຂອງພະເຈົ້າໃນທົ່ວໂລກ
ປະຕິບັດຕາມ ປັດສະຄາແຫ່ງຄໍາໝັ້ນສັນຍາໃໝ່ ຢ່າງສັກສິດ]

ເມື່ອພວກເຮົາປະຕິບັດຕາມ ປັດສະຄາແຫ່ງຄໍາໝັ້ນສັນຍາໃໝ່,
ພະກາຍ ແລະ ພະໂລຫິດ ຂອງພະເຈົ້າກໍຢູ່ໃນພວກເຮົາ,
ແລ້ວຈຶ່ງສາມາດຍອມຮັບ ພະອັນຊັງໂຮງ ແລະ ພະເຈົ້າພະມານດາ ຜູ້ທີ່ຊົງສະເດັດມາສູ່ໂລກນີ້ ໃນສະໄໝພະວິນຍານບໍລິສຸດ ແລະ ພວກເຮົາຍັງສາມາດຮັບຊີວິດນິລັນ
ດ້ວຍສິດອໍານາດທີ່ຈະກາຍເປັນ ລູກທີ່ແທ້ຈິງຂອງພະເຈົ້າໄດ້.

ພະເຢຊູໄດ້ກ່າວຕໍ່ພວກເຂົາວ່າ: “ເຮົາບອກພວກທ່ານ ຕາມຄວາມຈິງວ່າ... ຜູ້ທີ່ກິນເນື້ອກາຍຂອງເຮົາ ແລະ ດື່ມເລືອດຂອງເຮົາກໍມີຊີວິດອັນຕະຫຼອດໄປເປັນນິດ ແລະ ເຮົາຈະໃຫ້ເຂົາເປັນຄືນມາສູ່ຊີວິດໃນມື້ສຸດທ້າຍ... ຜູ້ທີ່ກິນເນື້ອກາຍຂອງເຮົາ ແລະ ດື່ມເລືອດຂອງເຮົາ ກໍມີຊີວິດຢູ່ໃນເຮົາ ແລະ ເຮົາກໍມີຊີວິດຢູ່ໃນຜູ້ນັ້ນ.” [ໂຢຮັນ 6:53-56]