ຂອງຂວັນທີ່ເຮັດໃຫ້ພະເຈົ້າຊົງພໍໃຈ

[ພວກເຮົາ​ຈະ​ຕອບ​ແທນ​ພະ​ຄຸນ​ຂອງ​ພະເຈົ້າ ​ຜູ້​ຊົງໃຫ້​ອະ​ໄພ​ບາບ​ຂອງ​ມະ​ນຸດ​
ໂດຍ​ການ​ເສຍ​ສະ​ຫຼະ​ທີ່​ໄມ້ກາງແຂນໄດ້ຢ່າງ​ໃດ?]

ສິ່ງ​ທີ່​ເຮັດ​ໃຫ້​ພະເຈົ້າຊົງໃຈນັ້ນ​ໄດ້​ຖືກ​ບັນທຶກ​ໄວ້​ໃນ​ປຶ້ມ ​ລູກາ, ເຮັບເລີ, ເຢເລມີຢາ ແລະ ​ສຸພາສິດ.
ສິ່ງເຫຼົ່ານັ້ນແມ່ນ​ການ​ກັບ​ໃຈ​ຂອງ​ຄົນ​ບາບ, ​ຄວາມເຊື່ອ​ທີ່ແທ້​ຈິງ​, ການໂອ້ອວດ​ເຖິງ​ພະເຈົ້າ ແລະ ຜູ້​ທີ່ປະພຶດດີ. ພະເຈົ້າ​ໄດ້​ຊົງສອນ​ພວກ​ເຮົາ​ວ່າ ​ສິ່ງ​ທັງໝົດ​ເຫຼົ່າ​ນີ້​ສາ​ມາດ​ສໍາ​ເລັດໄດ້ ​ໂດຍ​ຜ່ານ​ວຽກງານ​ຂອງ​ການ​ປະ​ກາດ ​ທີ່​ນໍາ​ພາຄົນ​ຈໍາ​ນວນຫຼວງ​ຫຼາຍ​ໄປ​ສູ່​ຄວາມພົ້ນ.

[ບັນດາຜູ້ເຊື່ອຖືຂອງ​ຄິດສະຕະຈັກຂອງພະເຈົ້າ
ກະທໍາ​ສິ່ງ​ທີ່​ພະບິດາ ພະມານດາແຫ່ງ​ສະ​ຫວັນ​ຊົງພໍ​ໃຈຫຼາຍ​ທີ່​ສຸດ]

ບັນດາລູກ​ໃນ​ໂລກ​ນີ້ໄດ້​ໃຫ້​​ຂອງ​ຂວັນແກ່ພໍ່ແມ່ ​ເຊິ່ງເຮັດໃຫ້ພວກເພິ່ນພໍ​ໃຈ​ຢ່າງ​ສຸດຫົວ​ໃຈ.
ກໍເຊັ່ນ​ດຽວ​ກັນ, ບັນດາລູກແຫ່ງ​ສະ​ຫວັນກໍ​ເຮັດໃນ​ສິ່ງ​ທີ່ ​ພະບິດາແຫ່ງສະຫວັນ ​ພະຄິດອັນຊັງໂຮງ
ແລະ ​ພະເຈົ້າພະມານດາຊົງພໍໃຈຫຼາຍ​ທີ່​ສຸດ. ເຊັ່ນດຽວ​ກັບ​ທີ່​ພະ​ເຢຊູ ໄດ້ຊົງ​ສັ່ງ​ເມື່ອ 2,000 ປີ​ກ່ອນ,
ພວກເຂົາ​ທຸ່ມເທຈິດໃຈ ​ເພື່ອ​ຊອກ​ຫາ​ສະມາຊິກ​ຄອບຄົວແຫ່ງ​ສະຫວັນ​ທີ່​ເສຍ​ໄປ.

ເມື່ອກ່ອນພວກທ່ານເຄີຍຢູ່ໃນຄວາມມືດ; ແຕ່ເນື່ອງຈາກວ່າ ພວກທ່ານໄດ້ກາຍເປັນປະຊາຊົນຂອງພະຜູ້ເປັນເຈົ້າ ພວກທ່ານຈຶ່ງຢູ່ໃນຄວາມສະຫວ່າງ. ດັ່ງນັ້ນ ພວກທ່ານຈຶ່ງຄວນດໍາເນີນຊີວິດ ດັ່ງຄົນທີ່ຢູ່ຝ່າຍຄວາມສະຫວ່າງ
ດ້ວຍວ່າແມ່ນຄວາມສະຫວ່າງ ທີ່ກໍ່ໃຫ້ເກີດຜົນອັນລໍ້າເລີດທຸກຢ່າງຄື: ຄຸນງາມຄວາມດີ, ຄວາມຊອບທໍາ ແລະ ຄວາມຈິງ. ຈົ່ງບາກບັ່ນຮຽນຮູ້ໄຈ້ແຍກ ສິ່ງທີ່ພະຜູ້ເປັນເຈົ້າພໍໃຈ.
[ເອເຟໂຊ 5:8-10]

ອົງທີ່ຕ້ອງການໃຫ້ທຸກຄົນໄດ້ເຖິງຄວາມພົ້ນ ແລະ ໃຫ້ມາຮູ້ຈັກຄວາມຈິງ.
[1 ຕີໂມທີ 2:4]