Kaitorno Khákchang Rwnai A Yakpai

Kruso Sak Yapharmani Bising tẃi Bororokni Sumsokrokno Nakarnai Kaitorni Khairokmano Chwng Bahai Khe Su–ui Mannai?

Kaitorno khá ham rwmani manwirok, Luk, Hibru, Jirimia, tei Phrwngmungni bijabo swijak tongo. Aborok wng kha khá kiphilmani, poito kaham, Kaitorno tẃiwi kungchuk mani, tei srai–srai khe tongnaironi lama. Omorok bebakno kwbángma bororokno mwthangjakmungo tẃithernai, kόk pírmani samungni bising tẃi khlaiwi manno hwnwi Kaitor chwngno phrwng kha.

Chuknohani Apha–Ama song Belai khe Hamjakmani Manwirokno Kaitorni Mothani Adongrok Khlai–o

O ha–o, bwsarok bόrokni buma–bupha song hamjakmani yakpaino bόrokni khá bai khúk bai khe bόrokni buma–bupha songno rw–o. Omo hai khe, chuknohani bwsarokbo, Chuknohani Apha Ahnsahnghong tei Ama Kaitor hamjak kukmani samungno khlai–o. Katswi bisi 2,000 swkango Jisu dagimani hai khe, bόrok bόrokni bwkháno chuknohani núkhungni kwmajak adongrokno naituknani bagwi khá bera kha.

Norok agi mwnakma–o tongma se, tamo khe tabuk Kaitorni borok wng kha ba pohoro sók phai kha. Abo baino pohorni borok hai khe norok tongna khlai di. Tamni hwn ba o pohor wng kha joto kisimni kaham, joto kisimni sutrang tei joto kisimni kubui manwirok kwbáng khe rw phainai. Tamo khlai khe Subrai hamjakno abono saui manna nai di.
Epis 5:8–10

[B]ebak bororok’–no mwthangjagwi kubuino si thung hwnwi bo nai–o.
1 Timothi 2:4