Norok Sumsok Yakar di, Kaitorni Ha Sampa Kha

Swngcharo Kebengwi Tongmani Bwkhano Kaitorni Phaising Kiphil Rwmani Wng Sumsok Yakarmani

Chwng Saul Habugra Kaitorni kókno bo muchung tẃi khe se swbai sa kha tei kisicha kókno simi rákhokma hai chwng ta wng di. Phiya, Hejekia Habugra hai khe se Yókma ter khlaina nangnai, chini bwkha hamyano swngcharni yakaui tei Malaki bijabo swijakma chi-o kaisa tei hili yapharmungni bising tẃi Kaitorni aro kiphil thai. Omo se sumsok yakarmani.

Kaitorni Motha-o Kaitorni Hani Kothoma Kaham Tongo, Abo Wng Kha Sumsok Yakar Sukmani Kaisa Mari

Suchajakmani Sal wng kha chwng bebak Chuknoha-o tei Swngcharo saui man twtẃi tei saui man ya twtẃi sumsok khlaimarokno Soitanni saka-o kiphilwi rwjakmani sal, bo se bebak sumsokni yaphang. Smai Kwtalni Terni bising tẃi sumsok yakarsugwi mano hwnwi Khristo Ahnsahnghong bai Ama Kaitor chwngno saui man rw kha, abo se Kaitorni Hani Kothoma kaham.

“Norokni chuchu borani sakni simino norok ani raidani uslu baiwi abórokno rákhok li ya gwja. Ani thani kiphil di, hakhe angbo nini thani kiphilnai hwnwi Phankrak Subraiyung sa-o. Tamo khe, ‘Chwng bahai khe kiphilnai?’ hwnwi nwng sa-o. 8Borok Kaitorno sekproui da man? . . . chi-o kaisa rwmarogo sekpro-o”
Malaki 3:7-8

“Hakhe bórok bebak Israil bororokno Birsebani simi Dan jora Jerusalemo phaiwi Subraiyung Israilni Kaitorni thani yókma ter panda khlaina sakhlai kha, . . . “O Israilni bororok, Subraiyung, Abraham, Isak tei Israilni Kaitorni thani kiphil bai di . . .”
2 Bosong 30:5-6