Ninobini bororokni Kha Kiphilmungni Bising Tẃi,
A Yagra Bwkhakni Dagait, tei Kwmanai Bwslani
Bising Tẃi Chwng Tamo Srwngwi Man?
Ninobi-o kaitor Bό sokomorna hwnwi chapmani abόrokno tubu li ya
tamni hwn khe bόrok khá kwthar bai khe khá kiphil kha bόrok kubunni kwbángma
mwtairokno khulum phano tei Israilsongno satok phano.
Je phuru yagra yakni dagait tei bini buphano yakarwi thángnai kwmanai bwsla
khá kiphil phuru khe, bόrok hamarirok man kha. Omorok bebakni bising tẃi, Kaitor
bόrokno bόrok bόrokni sumsokrokno yakar khe birmanrokni katiwi tei mwthangjak manno hwnwi bororokno phunuk kha.
Kaitorni Mothani Adongrok Bebak Swngchar Gwnangwi’-no
Khá Kiphil Súk Mani Bising Tẃi Mwthangjakna Tẃi Khe Muchungjago.
Gwdwna ragwi tongmani tei sumsok yakar ya wngmani bwkhá
Buj Thummani Salo abo Kaitorni jolimungni birmanno khatiwi tongmani se.
Kaitorni Mothani adongrok Khristo Ahnsahnghong tei Ama Kaitorni kόktháirokni bising tẃi
Khá kiphilsúk nani lamano saui man kha, tei bόrok tabuk
swmai kwtalni kothoma kahamno tẃiwi pírwi tongo,
buirok bo haino khá kiphilmani bising tẃi mwthangjak manna tẃi khe khá khlaiwi.
“Abo bai’-no o Israilrok, ang norokno borok thwgwi sakni samung tangma hai’-no buj thumnai hwnwi Subraiyung Kaitor sa-o. Bebak samung hamya khlaimani kiphil di, wng ya khe samung hamya bai’-no ma thwinai.
Esekiel 18:30
- আগের তারিখ
- 2023. 07. 21
- সহানুভূতি
- 0
