Chwng Wng Kha Amjokjaknai Koiyedirok, Chuknohani eba Morkeni Páithakni Buj Thummano Naisingwi Tongnairok
Tumungno khoroksa sumsok gwnang bόrokni sumsokno pogwi,
kwtal langma-o tong phano, bόrokni sumsok kwmaui tháng ya.
Bororok wng kha chuknoha-o sumsok khlai nai, chuknohani eba morkeni buj thummano naisingwi tongnai amjokjaknai koiyedirok se. Swmai kwtalni kerongni bising tẃi o ha-o páithakni sep man mani yagulo, bόrok Kaitorni buj thummani achukthaiyungni bwskango ma bachanai, tei bόrokni sumsokni bagwi bόrok páithakni buj thumjaknai.
Sumsok Gwnangrokni Sumsokrok Nakarjagwi Manmani A Swmai Kwtalni Swmai Kaitorni Motha-o Simi Se Naitugwi Manno
Swmai kwtalni kerongo chini bebak sumsokrok tei chayarokno hu-ui rwnani swmai tongo.
Pholani sumsok gwnangrokni kotor sumsokrokno ruju-ui tlángnani bagwi Jisu kruso tekto manjak kha. Abo hai phiyόkmungni khairokmung gwnang swmai kwtalni kerongno Khristo Ahnsahnghong tei Ama Kaitor songcha phai phi kha. Katswi Jisu khlai mani hai, “Sumsok yakar di” hwnwi Bόrok khá bai khúk bai ringwi tongo tei bororokno chuknoha-o tẃitherwi tongo.
Uáisa le joto borokno ma thwithai, aboni ulo Kaitor bai buj thumjaknai.
Hibru 9:27
Hakhe kwthwirokni hani bugra bini ha bai baksa hórni liko khiklaiwi rwjak kha. (O hórni liko khiklaijakmani abo’-no tei uáisa thwimani.) Langma Bijabo bumung kwrwirok bórok hórni liko khiklaiwi rwjak kha.
Phunukjakmani 20:14-15
- আগের তারিখ
- 2022. 11. 25
- সহানুভূতি
- 5
