ຈົ່ງກັບໃຈເຊົາເຮັດບາບສາ ເພາະວ່າ ອານາຈັກສະຫວັນມາໃກ້ແລ້ວ Ⅰ

[ການຫັນຈິດໃຈທີ່ເຄີຍມຸ່ງໄປຫາໂລກ ໃຫ້ກັບຄືນມາຫາພະເຈົ້າແມ່ນ ການກັບໃຈເຊົາເຮັດບາບ]

ພວກເຮົາບໍ່ຕ້ອງເປັນດັ່ງກະສັດໂຊນ ຜູ້ທີ່ໄດ້ຕີຄວາມໝາຍພະຄໍາຂອງພະເຈົ້າຕາມທີ່ລາວພໍໃຈ ແລະ ໄດ້ເຊື່ອຟັງ ພຽງແຕ່ບາງສ່ວນ. ແຕ່ພວກເຮົາຕ້ອງປະຕິບັດຕາມປັດສະຄາດັ່ງກະສັດ ເຮເສກີຢາ ໂດຍຫັນຈິດໃຈທີ່ຟຸມເຟືອຍ ຂອງພວກເຮົາຈາກໂລກ ແລະ ກັບຄືນມາຫາພະເຈົ້າ ໂດຍຜ່ານ ໜຶ່ງສ່ວນສິບ ແລະ ເຄື່ອງຖວາຍຕ່າງໆ ດັ່ງທີ່ ໄດ້ມີບັນທຶກໄວ້ໃນປຶ້ມພະຄໍາ ມາລາກີ. ນີ້ແມ່ນ ການກັບໃຈເຊົາເຮັດບາບ.

[ຄິດສະຕະຈັກຂອງພະເຈົ້າມີຂ່າວປະເສີດແຫ່ງອານາຈັກສະຫວັນ ເຊິ່ງເປັນເຄື່ອງໝາຍຂອງການກັບໃຈເຊົາເຮັດ ບາບຢ່າງສົມບູນ]

ມື້ລຶບລ້າງບາບໃຫຍ່ ແມ່ນມື້ທີ່ບາບທັງໝົດທີ່ພວກເຮົາໄດ້ເຮັດໃນສະຫວັນ ແລະ ບາບຕ່າງໆທີ່ພວກເຮົາໄດ້ເຮັດໃນແຜ່ນດິນໂລກ ໂດຍທີ່ຮູ້ຕົວ ແລະ ບໍ່ຮູ້ຕົວນັ້ນ ຈະກັບຄືນສູ່ຊາຕານ ຜູ້ທີ່ເປັນຕົ້ນເຫດຂອງຄວາມບາບທັງຫຼາຍ. ພະຄິດອັນຊັງໂຮງ ແລະ ພະເຈົ້າພະມານດາຊົງໃຫ້ພວກເຮົາຮູ້ຈັກວ່າ ການກັບໃຈເຊົາເຮັດບາບຢ່າງສົມບູນນັ້ນ ສາມາດເຮັດໄດ້ໂດຍຜ່ານເທດສະການຕ່າງໆແຫ່ງຄໍາໝັ້ນສັນຍາໃໝ່ ເຊິ່ງແມ່ນຂ່າວປະເສີດເລື່ອງອານາຈັກ ສະຫວັນ.

“ຈົ່ງ​ກັບ​ຄືນ​ມາ​ຫາ​ເຮົາ​ເຖີດ ແລະ​ ເຮົາ​ຈະ​ກັບ​ຄືນ​ໄປ​ຫາ​ໝູ່​ເຈົ້າ. ແຕ່​ໝູ່​ເຈົ້າ​ຊໍ້າພັດ​ຖາມ​ວ່າ ພວກ​ຂ້າພະ​ອົງ​ຕ້ອງ​ເຮັດ​ຢ່າງ​ໃດ​ ຈຶ່ງ​ຈະ​ກັບ​ຄືນ​ໄປ​ຫາ​ພະ​ອົງ​ໄດ້? ເຮົາຂໍຖາມໝູ່ເຈົ້າວ່າ ເປັນການຖືກຕ້ອງບໍ ທີ່ມະນຸດສໍ້ໂກງພະເຈົ້າ... ກໍສໍ້ໂກງໃນເລື່ອງໜຶ່ງສ່ວນສິບ ແລະ ເຄື່ອງຖວາຍຕ່າງໆນັ້ນແຫຼະ.”
[ມາລາກີ 3:7-8]

“ສະນັ້ນ ພວກເຂົາຈຶ່ງເຊື້ອເຊີນປະຊາຊົນອິດສະລາເອນທັງໝົດ...ເພື່ອໃຫ້ພ້ອມກັນມາຍັງກຸງເຢລູຊາເລັມ
ສະຫຼອງປັດສະຄາຕາມທີ່ພະບັນຍັດໄດ້ບົ່ງໄວ້...ຈົ່ງກັບຄືນມາຫາພະຜູ້ເປັນເຈົ້າ ອົງເປັນພະເຈົ້າ
ທີ່ອັບລາຮາມ, ອີຊາກ ແລະ ຢາໂຄບ...”
[2 ຂ່າວຄາວ 30:5-6]