To Kylla Kaba Mut, naba Ka Hima ki Bneng Ka La Jan 1

Ban Pynphai Pat ia ka Dohnud Kaba Ngi Ju Phai ia ka Pyrthei Sha U Blei Ka Dei Ka Jingkylla Kaba Mut

Ngim dei ban long kum U Syiem Saul uba batai ia ka ktien U Blei katba u sngewbha bad kohnguh shiliang khmat. Pynban, ngi dei ban rakhe ia ka Niam ka jinglait kum U Syiem Hesekaiah, da kaba phai noh ia ka dohnud sarong awria ka jong ngi na ka pyrthei bad phai sha U Blei lyngba kiba shiphew bad ki jingainguh kumba la thoh ha ka kitab U Malakhi. Kane ka dei ka jingkylla kaba mut.

Ka Balang U Blei Ka Don ia ka Gospel ka Hima, Kaba Long ka Dak jong ka Jingkylla Kaba Mut Pura

Ka Sngi ka Jingpyniasuk ka dei ka sngi ha kaba baroh ki pop jong ngi kiba ngi la leh ha Bneng bad ki pop kiba ngi la leh ha ka khyndew da kaba tip bad ka jingbymtip la ai biang ha u Soitan, uba long ka tynrai jong ki pop baroh.
U Khrist Ahnsahnghong bad Ka Blei Ka Kmie ki la pyntip ia ngi ba ngi lah ban pyndep ka jingkylla kaba mut lyngba ki Jingkhawai Niam jong ka Jutang Bathymmai, kaba dei ka gospel ka Hima.

“To phai pat sha nga, te nga ruh ngan phai pat sha phi,” ong U Trai ki paid. “Hynrei phi ong, ‘Ha kaba kumno ngin phai pat?’ U briew un lute ia U Blei ne em? . . . Ha kiba shiphew bad ki jingainguh kein.”
U Malakhi 3:7–8

Kumta ki la pynskhem ia ka rai ban pynbna ha Israel baroh . . . ba kin wan ban rakhe ia ka niam ka jinglait ha U Trai, U Blei ki Israel, ha Jerusalem: “. . . to phai pat sha U Trai, U Blei U Abraham, U Isaak, bad U Israel . . .”
2 Ki Khronikl 30:5–6