ຜູ້ຮັບໃຊ້ແຫ່ງຄໍາໝັ້ນສັນຍາໃໝ່ ຂອງພະວິນຍານ ແລະ ເຈົ້າສາວ

[ຄວາມ​ລັບໃນການ​ເປັນບັນດາ​ລູກ​ແຫ່ງ​ສະ​ຫວັນ,
ຜູ້​ຮັບໃຊ້ແຫ່ງຄໍາໝັ້ນ​ສັນ​ຍາ​ໃໝ່ ​ທີ່ພະເຈົ້າຊົງພໍໃຈຫຼາຍທີ່ສຸດ]

ຂວດເປົ່າສາມາດກາຍເປັນເຕົ້າດອກໄມ້ ຫຼື ຂວດນໍ້າກໍໄດ້ ຂຶ້ນຢູ່ກັບສິ່ງທີ່ບັນຈຸໃນນັ້ນ.
ດັ່ງທີ່ບັນດາອັກຄະທູດໄດ້ກາຍເປັນຜູ້ຮັບໃຊ້ແຫ່ງຄໍາໝັ້ນສັນຍາໃໝ່ ຫຼັງຈາກໄດ້ຮັບ
ພະວິນຍານບໍລິສຸດ ໃນເທດສະການເພັນເຕກັອດ ເມື່ອສອງພັນປີກ່ອນ, ພວກເຮົາກໍສາມາດກາຍເປັນບັນດາລູກທີ່ສົມບູນຂອງພະເຈົ້າໄດ້
ເມື່ອພວກເຮົາມີພະວິນຍານບໍລິສຸດຢູ່ໃນພວກເຮົາ.

[ວຽກ​ງານແຫ່ງຂ່າວປະເສີດ​ທີ່​ໜ້າ​ອັດສະຈັນ​​ເກີດ​ຂຶ້ນ
​ເມື່ອພວກ​ເຮົາ​ໄດ້​ຮັບ​ພະວິນຍານບໍລິສຸດ ໃນ​​ເທດສະການເພັນເຕກັອດ]

ເມື່ອສອງພັນປີກ່ອນ, ຫຼັງຈາກທີ່ພະເຢຊູ ຊົງສິ້ນພະຊົນທີ່ເທິງໄມ້ກາງແຂນແລ້ວ, ບັນດາອັກຄະທູດໄດ້ສັ່ນເຊັ່ນດ້ວຍຄວາມຢ້ານກົວ, ແຕ່ຫຼັງຈາກໄດ້ຮັບພະວິນຍານບໍລິສຸດ
ໃນເທດສະການເພັນເຕກັອດ, ພວກເຂົາໄດ້ເປັນພິຍານຢ່າງກ້າຫານວ່າ ພະເຢຊູຊົງເປັນ
ພະເມຊີອາ. ດັ່ງທີ່ບັນດາອັກຄະທູດໄດ້ກະທໍາ, ບັນດາສະມາຊິກຄິດສະຕະຈັກຂອງພະເຈົ້າ
ໃນປະຈຸບັນ ໄດ້ຮັບພະວິນຍານບໍລິສຸດຝົນປາຍລະດູ ໃນເທດສະການເພັນເຕກັອດ, ໄດ້ເປັນພິຍານຢ່າງກ້າຫານວ່າ ພະອັນຊັງໂຮງ ແລະ ພະເຈົ້າພະມານດາໄດ້ຊົງສະເດັດມາ ເພື່ອຊ່ວຍມະນຸດຊາດໃຫ້ພົ້ນ.

ເມື່ອຮອດມື້ເພັນເຕກັອດ ບັນດາຄົນເຊື່ອຖືທັງໝົດໃນທີ່ນັ້ນ ກໍມາເຕົ້າໂຮມກັນຢູ່ບ່ອນດຽວ.
ໃນທັນໃດນັ້ນ ມີສຽງໜຶ່ງດັງມາຈາກທ້ອງຟ້າເໝືອນດັ່ງສຽງລົມພະຍຸກ້າກ້ອງສະໜັ່ນ
ທົ່ວເຮືອນທີ່ພວກເຂົານັ່ງຢູ່ນັ້ນ... ຜູ້ເຊື່ອຖືທຸກຄົນໃນທີ່ນັ້ນຈຶ່ງເຕັມດ້ວຍພະວິນຍານບໍລິສຸດ
ແລະ ເລີ່ມຕົ້ນປາກພາສາອື່ນໆ ຕາມທີ່ພະວິນຍານໂຜດໃຫ້ພວກເຂົາເວົ້າ.
[ກິດຈະການ 2:1-4]