O Tama Ahnsahnghong O Le Atua, o Keriso na Afio Mai Faalua VI

Pau lava le Folafolaga (Konekarate) o le Fa'amagaloga o Agasala na Faia e le Atua ma Tagata o le Paseka.

Talu ai na faia e tagata agasala matuia i le lagi ma lafoina i lalo i lenei lalolagi, e tusa lava pe latou te ola i se olaga amiotonu i lenei lalolagi, e le mafai ona latou ulu atu i le lagi sei vagana ua faamagaloina a latou agasala na faia i le lagi.
O le māfuaaga lenā i le 2,000 tausaga ua mavae, na folafola atu ai e Iesu le faamagaloina o agasala e ala i le Paseka o le feagaiga fou, ma i aso nei, ua na o le World Mission Society Church of God ua faataunuuina ai lenei folafolaga.

E Faapefea Ona Tatou Faamauina o Keriso Ahnsahnghong O Le Atua Na Faamagaloina Agasala a Tagata?

E pei ona valoia e le Atua e ala i le perofeta o Tanielu, na soloia e Satani le Paseka o le feagaiga fou i le Fono i Nicaea ma taofia atoatoa ai le ala e maua ai le faamagaloga o agasala lea e tāua mo tagata.
O Keriso Ahnsahnghong lea ua toe fuataiina le Paseka o le feagaiga fou mo tagata.

o ia foi ua tatou maua ai le togiola i lona toto, o le faamagaloina o agasala, e tusa ma le oloa faulai o lona alofa tunoa, . . .
Efeso 1:7

O le muai aso o areto e le faafefeteina ua o mai ai le au soo ia Iesu, ua faapea mai ia te ia, Po o fea le mea e te finagalo i ai matou te saunia e te taumafa ai le paseka? . . .
Ina inu ia outou uma i ai; auā o lo‘u toto lenei, o le toto o le feagaiga fou, ua faamaligiina mo tagata e toatele e faamagalo a‘i agasala.
Mataio 26:17–28