O le Uiga Moni o le Laau o le Ola

Ua fesoasoani mai le Atua i tagata ina ia latou iloa le tulaga faaleagaga o i ai
e ala i le agasala a Atamu ma Eva

I le Faatoaga o Etena, sa i ai le Laau e Iloa ai le Lelei ma le Leaga, lea na fetalai le Atua,
“Auā o le aso e te 'ai ai, e te oti ai lava,“ ma le Laau o le Ola na te aumaia le ola e faavavau i soo se tasi e ‘ai ai. Ae peitai, na faaosoosoina Atamu ma Eva e le gata ma lē usitaia ai le poloaiga a le Atua e aua nei aai i le fua o le laau ua faasāina. I le iuga, na le toe faatagina i laua e 'aai mai i le Laau o le Ola ae ua oti.

O le uiga moni o le Laau o le Ola o le Paseka o le Feagaiga Fou lea tatou te aai ai i le tino o Iesu ma feinu i Lona toto. Ina ia laveai i tatou mai le agasala ona o le aai mai i le fua o le laau na faasāina–le agasala e tatau ai le oti, ua tuuina mai e le Atua le isi avanoa e tasi e tausia ai le Paseka–ia tausia i le masina lona lua e tusa ma le kalena paia.

O Keriso Ahnsahnghong lo tatou Atua
o le na toefuataiina mai le Laau o le Ola ia i tatou

O le Paseka na soloia i le TTM 325, ma o le ala i le Laau o le Ola na toe pupuni. O Keriso Ahnsahnghong, na faavaeina le Misiona Sosaiete i le Lalolagi Ekalesia a le Atua, lea na ia toe tatalaina le ala,
e tusa ai ma le valoaga a le Tusi Paia.

. . . o le tausamiga o uaina ua tuu ai ‘alu . . . E faaumatia e ia le oti e faavavau . . .
O lea aso e faapea ai, “Faauta, o lo tatou Atua lenei . . .”
Isaia 25:6–9