Ka Jingshisha jong U Dieng ka Jingim

U Blei u iarap ia ki briew ban sngewthuh ia ka jinglong bakynja mynsiem jong ki
lyngba ka pop jong U Adam bad Ka Im

Ha ka Kper Eden, la don U Dieng ka Jingtip ia kaba Bha bad ia kaba Sniew, ha kaba U Blei u la ong, “Naba ha kata ka sngi ba men bam na u, da kaba iap men iap shisha,” bad U Dieng ka Jingim kaba wallam ka jingim bymjukut sha uno uno uba bam na u. La kumta ruh, U Adam bad Ka Im ki la shah pynshoi da u bseiñ bad ki la lyndet ia ka hukum U Blei ban ym bam ia u soh ba la adong. Kum ka jingmih, ki la duh noh ban bam na U Dieng ka Jingim hynrei ki la wan ban iap.

Ka jingshisha jong U Dieng ka Jingim ka dei ka Niam ka Jinglait ka Jutang Bathymmai ha kaba ngi bam ia ka doh U Jisu bad dih ia ka snam jong U. Khnang ban pynim ia ngi na ka pop jong kaba bam na u soh ba la adong―ka pop kaba deihok ia ka jingiap, U Blei u la ai ha ngi ka lad sa shisien pat ban rakhe ia ka Niam ka jinglait―ban rakhe ia ka ha u bnai baar katkum ka kalendar bakhuid.

U Khrist Ahnsahnghong U Long U Blei jong ngi
uba la wanrah pat ia U Dieng ka Jingim sha ngi

Ka Niam ka jinglait ka la shah pynduh noh ha u 325 HK, bad ka lynti sha U Dieng ka Jingim la khang biang. U Khrist Ahnsahnghong, u nongseng ia ka Balang U Blei World Mishon Society, u la plie pat ia ka lynti, katba kum ki jingiathuhlypa jong ka Baibl.

. . . ka jingkhawai waiñ ba la buh slem . . . U la nguid tylli ia ka jingiap junom . . . Te yn ong ha kata ka sngi, “Ha khmih, une u long U Blei jong ngi . . .” Isaiah 25:6–9